إعـــــــلان

تقليص
لا يوجد إعلان حتى الآن.

تــتــعــطــر الأنــفــاس...مـن نـوصـل الـعـبـاس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تــتــعــطــر الأنــفــاس...مـن نـوصـل الـعـبـاس


    الشاعر السيد عبد الخالق المحنّه
    تــتــعــطــر الأنــفــاس...مـن نـوصـل الـعـبـاس
    لا هـم و لا حـيـره...و انـشـاهـد الـغـيره...من نوصل العباس

    أوصـف بـالـمـصـادر كـربـلا وخيبر...ما بين النهر والباب نتصور
    أبـد مـا يـنـقـلـع لـو لا عـلي يحضر...بلا عباس محد للنهر يقدر
    مـثـل مـا صال حيدر والنبي اتبشر...تشوف حسين فرحان بشبل حيدر
    مــن يــزعــل الــفــقــار ...مـن يـوصـل الـكـرار
    تـتـكـرر الـسـيـره ...ونـشـاهـد الـغيره...من نوصل العباس

    إذا نـنـظـر أحـد نتصور الكلفه...علي يفدي النفس للمصطفى نعرفه
    وقـف عـبـاس ويـا حـسين هالوقفه...مثل ماوفى حيدر شبله هم وفه
    أبـو الـغـيـرة مـثل ما زينب اتوصفه...ولا زال الغيور ايحامي عن طفه
    لــمــن نــشـوف الـواك... يـا بـو الـفـضـل بـحـمـاك
    مـا نـقـصـد الـغـيـره ...ونـشـاهد الغيره...من نوصل العباس

    طـفـح بـحر المراجل والطفوف حدود...ولكن للإرض ماتكفي بحر الزود
    شـبـه زلـزال صـوته وبالنهر موعود...وفاه ورايته وغاية وصبر وزنود
    يـضـل عـباس واحد مثله ما موجود...ولا ينظر الخصمه وعينه يم الجود
    مــن واعــد الــوفــاي... لازم يــجــيــب الــمـاي
    كـل نـظـرة تـكـبـيـره ...ونـشـاهد الغيره...من نوصل العباس

    وصل نهر الفرات وسجدن إضفافه...على ثقــل المراجـل مـالت اطرافه
    يـشـيـل الـمـاي كفه ويابسة اشفافه...يريد الماي كل عطشان لو شافه
    ذكـر ضـامـي الـطفل واتحسر وعافه...مثل عباس أسأل يا أخو الوافه
    يــدري الــعــطـش يـآذيـه... مـن يـشـرب ويـرمـيـه
    بـالـعـيـلـه تـفـكـيـره ...ونـشاهد الغيرة...من نوصل العباس

    يـنـادي يـا نـفـس هوني ويهل دمعه...قبل حسين يشرب شيمته اتمنعه
    ملأ جوده وقصد صوب الخيم يسعه...وفزع جيش الضلاله اعليه فرد فزعة
    يـلا يـمـنـى وشـمال وعاين الوضعه...ترد صدره الرماح وغيرته اتدفعه
    مــاي الــجــره امــن الــجــود... يـقـدر يـرده ردود
    بـعـيـونـه تـعـبـيـره ...ونـشـاهـد الغيره...من نوصل العباس

    وقـع مـن الـمـهـر وارماحها اتنحره...نظر للجود نظرة وللخيم نظره
    إجـاه مـحني الظهر ويصيح أبو العتره...رحت يحزام ظهري ويسكب العبره
    يـقـبـل بـالـيمين ومرة باليسره...يخوية اشلون حال الينكسـر ظهره
    خــويـه الـعـلـم مـطـروح ...صـاح بـقـلـب مـجـروح
    الـصـفـوة والـخـيـرة ...ونـشـاهـد الغيرة...من نوصل العباس

    زيـنـب سـمـعـت و هاجت مصايبها...صاحت يالقمر و يلوح معصبها
    مـا تـقـعـد يـبـو فـاضـل تجاوبها...يخويه إتصيح يا جف الأعاتبها
    هـذي الـمـا جـنـت يـا خويه أحسبها...زينب عالهزل منهو اليرجبها

    sigpic
    إحناغيرحسين *ماعدنا وسيلة*
    ولاطبعك بوجهي"بابك إ تسده"
    ياكاظم الغيظ"ويامحمدالجواد "
    لجن أبقه عبدكم وإنتم أسيادي

  • #2
    السلام عليك ياكفيل الحوراء وساقي العطاشى
    السلام عليكم ورحمة الله وبركاته
    احسنت ....بارك الله فيك
    حسين منجل العكيلي

    تعليق


    • #3
      أحسنتم وبارك الله بكم

      تعليق


      • #4
        الشكر كل الشكر لا يوفيكِ حقك ِ
        سلمت أناملكِ
        ودمتِ معطائة للمنتدى
        بارك الله فيكِ وفي جهودكِ

        تعليق


        • #5
          شكرا أستاذنا ابوامنة
          sigpic
          إحناغيرحسين *ماعدنا وسيلة*
          ولاطبعك بوجهي"بابك إ تسده"
          ياكاظم الغيظ"ويامحمدالجواد "
          لجن أبقه عبدكم وإنتم أسيادي

          تعليق

          يعمل...
          X