يـحسين من هساع آنه مسبيه ........ والزمت دربي

[أنصار المذبوح]

للمرحوم كاظم منظور

يـاهـلـي تـودعـونـي ...... ونـرسم بعيوني
چـنـي مـسـبـيـه ...... بـغـرب مـبـليه
بـاچـر تـخـلـونـي.... ونـرسـم بـعـيوني

يـحسين من هساع آنه مسبيه ........ والزمت دربي
وشفت النهر وضلوعك المحنيه ....... والباري حسبي
والـعـلم مطروح بكتر راعيه ....... وانگطع گلبي
وداعـك وتـبـيـيـنـه....... لا تسمعه سكينه
وانـه عـد عـيـنـك ..... والـتـزم ديـنـك
گصـدك و مـضـمـونـي ....... ونرسم بعيوني

صدت لبو فاضل بناظر سهران ......... تدمع جفونه
چـني اشاهد جسمك على التربان ....... ويگطعونه
ولاتـظل خيمه ولا خدر لا صيوان .... ما يحرگونه
لا يـظـل دلالـك ....... مـنگطـع بـعـيالك
آنـه مـلـزومـه ......... الـيـسـر من يومه
بـي هـلـي سـرونـي ..... ونـرسـم بـعيوني

يبن أمي بالتوديع لا تروع گلوب ...... هاي الفواطم
عـندك عليل بليله ونهاره يلوب ........ ما اظن نايم
وما ينمحي أمر العلينه مكتوب ....... وبيه إنت عالم
وراضـيـه ومـرضـيـه ...... إخـتـك بهالنيه
والگدر جــاري ...... وگلـبـي بـيـه داري
مـن هـلـي الـربـونـي ....... ونـرسم بعيوني

عـبـاس يـامحلى الموادع وياك ........ هاي المسية
وچـنـي اشاهد رايتك من يمناك ...... تصبح رميه
وينخبط ماي العلگمي ويا دماك ......... وينگطع بيه
والچـنـت كـافـلـهـا .... إخـتـك تدللها
بـالـجـرى عـلـيـنـه ..... والـيـوافـيـنه
عـالـمـه تـدرونـي ..... ونـرسـم بـعـيوني

[ابوعلاء العكيلي]

السلام على الحوراء زينب ورحمة الله وبركاته
السلام عليكم ورحمة الله وبركاته
احسنت بارك الله فيك في ميزان حسناتك

[أنصار المذبوح]