قصيدة / فلا ننساها والعباس
..................................
.....................
صعب نتناسه كل ما صار وْصعب نسكت عله الظلّام
الظليمتها دمعنه دْموم تِحير شْتكتب الاقلام
هضيمه امّ الحسن تنصاب عجيبه شْحملتِ مْن الام
بْضلعها تْكسّر البسمار بْحزن خلوها ابد متنام
جفوها وْ جافو المختار عله البضعه افرضو احكام
بْقيادة حاقد وْ غدّار عصابه وْ تدّعي الاسلام
اجو للدار زمرة عار بْحقد غارو عله الاَعلام
يذلّون الوصي يْريدون خست هالزمره موش ازلام
ينادي الحاقد الملعون احرگو البيت ارفعو اعلام
الحكم النه وْ فلا ينعاف جرح سافر فلا يلتام
كُفَر بالدين والاَعراف حرگ دار الوصي المقدام
وْكسر ضلع الزچيه وْ جار وابنها السگّطه بْاجرام
فلا ننساها والعباس وْعزاها نْذيعه بالاِعلام
نِعَلم الناس باللي صار لان عَيْشوهم بْاوهام
عبيد الجاه والاموال غَضَب ربنه عليهم دام
وابد ما يخذل الابرار بني طه وْ بيت الاكرام
............................................
...............................
خادم اهل البيت ( عليهم السلام )
الشاعر الحسيني
سعيد الفتلاوي الطويرجاوي
حسين منجل العكيلي
تعليق