تويت
مصيبة الزهراء (عليها السلام )
خل نحاسبها ونطلع كتابها ــــــــــــــ شلون لـُمْ حسين تحرﮒ بابها
*****
شلون تهجم والأمينه وره الباب ــــــــــــــ حين لاذت لاخمار ولاحجاب
هيـﭺ وصّاهم بهل العتره الكتاب ــــــــــــــ لو عماهه الحقد عن كتابها
*****
عن أصول الدين يعميها الحقد ــــــــــــــ وتعبد الاوثان والعزى ترد
ليش ماتعرف منو بيت المجد ــــــــــــــ وتنغر عليها وتوجه صوابها
*****
ليش ماشافت القربى وهل اتى ــــــــــــــ الفضل لم حسين واضح نكرته
زمره وي ساعة الردة موقـِّته ــــــــــــــ زين معروفه الخطط واسبابها
*****
شلون خطه مدبره بليل وظلام ــــــــــــــ تقودها الناس اللي ماتعرف اسلام
بس مناصب لاحلال ولا حرام ــــــــــــــ والرؤوس مـﭽــــــــــتفه باذنابها
*****
صدﮒ باب المرتضه توجره بنارــــــــــــــ وهو مهبط نورها ودار الاخيار
وين ربات الوفه وين الانصار ــــــــــــــ خل تغار انـﭽـان هي اصحابها
*****
ناس ضاعت بالدرب وسط الفتن ــــــــــــــ وناس تتراجف من صروف الزمن
وناس تحمل حقد لحسين وحسن ــــــــــــــ وناس باعت بالرخيص اتعابها
*****
سقطت بأول سباق وامتحان ــــــــــــــ بعد نور الدين يلفيها الهوان
لاتظن بعد الوصي يحصل أمان ــــــــــــــ لاعربها ولاجميع اعرابها
*****
لحرﮔت الباب وتعدت علاطهار ــــــــــــــ لبست اثياب التقى ووجه الاخيار
خلي ننفض عن الاصنام الغبارــــــــــــــ انـﭽـان غطاها عظيم اترابها
*****
خلي نكشف للدهر واقع الناس ــــــــــــــ خاف واحد صاير بعقله التباس
الهدم بيت الدين ما يبني الاساس ــــــــــــــ يصير يهدي للعدل ﭽذابها
*****
ندرس التاريخ ونطلع عبر ــــــــــــــ لأن تضليل الفكر طول الدهر
لازم نحصن عقلنا من الخطر ــــــــــــــ ومن مكر أهل الحقد والعابها
*****
لازم نبين الجره ونكشف اوراق ــــــــــــــ ونفرز الاطهار من اهل النفاق
صار بالدين انقلاب واختراق ــــــــــــــ وطلع عجل السامري وغرابها
*****
حسين منجل العكيلي
تعليق