أم الصبر

[رونق بغداد]

إلج قصة وية دمعج ألها ضج الكون
بَجيتي الزلم مافاضت اجفونج
يا عُود الصبر وهتز ظلم ماطاح
وبسد اليتيم ايبات ماعونج
تحديتي لصبر أيوب ياحوراء
ولايعكَـوب شاف الشافتة عيونج
كلج مرجلة وكلج أباء وزود
لسانج سيفج اهل الكفر يدرونج
حيا لكلج شجاعة من الجدم لراس
أخت عباس أبو الغيرة يسمونج
يامحلة الشعر من يعتلي بسماج
وفحول الشعر لامايوصفونج
عصف بيج الزمان بهودج الأزراء
ثبت جدمج ولاكَـدروا يطيحونج
قريت شكَـد كتب عن سيرتج ولكَـيت
مثالج أمج وكل النسة دونج
جبل من الصبر يازينب أتظلين
سر الله العظيم اوما يعرفونج
تحير فكري باوصافج يبت كرار
وبس عباس زينب عرف مضمونج
قريتج ملحمة وسيف الظلم يخشاج
قريتج آية ماكَـدروا يفسرونج
بالطف موقفج هز العرش واللوح
رفعتي حسين جثتة اوهم ينظرونج
تقبل ياإلهي احسينك القربان
جبل من الصمود الكل ينادونج
ولإن شمسج منارة وصوت ياكرار
رادوا ليلة ظلمة وبيها يسبونج
نسوا أنتي العظيمة أوسيف أبو السجاد
وأنتي إلسان حيدر مايكَـحمونج
تحديتي السبي يازينب من سنين
وسبيتي بكربلة أوذليتي فرعونج
يهابونج يبضعة حيدر الكرار
مثل حيدر علي عودج يهابونج
أصحاب الجهل وأهل البدع والزيف
قصف قصفوج كل همهم يذلونج
خسوا جند الظلالة وزمرة الشيطان
طبع حيدر علي لامايكَـدرونج
عين الباري بنت المرتضى ترعاج
وأهل البيت يازينب يحرسونج

[نور العترة]

و اهل البيت يا زينب يحرسونج
طيب الله انفاسكم في ميزان اعمالكم ان شاء الله

[ابوعلاء العكيلي]

السلام عليكم ورحمة الله وبركاته
طيب الله انفاسك واعظم لك الاجر

[رونق بغداد]

بارك الله فيكم

[الأزري]

اللهم صل على محمد وال محمد بارك الله بك

[رونق بغداد]

جزاكم الله خيرا

[رونق بغداد]

جزاكم الله خيرا

[أنصار المذبوح]

[رونق بغداد]

بارك الله فيك وجزيتي خيرا

[~ أين صاحب يوم الفتح ~]

عين الباري بنت المرتضى ترعاج
وأهل البيت يازينب يحرسونج



ألف تحية لك أخي وأدام الله إبداعك وأدام لنا قلمك

أحسنتم وجزاكم الله خير جزاء المحسنين