فتني السهر

[من نسل عبيدك احسبني ياحسين]

الشاعر الشيخ عبدالستار الكاظمي
عفتوني وحدي إويه الحزن...دمعي يكت كت المزن
قلبي إنشعب من القهر...فتني السهر فتني السهر

من مشت عني الضعينه القلب من همه تفطر
يا هلي من رحتوا عني إخلافكم حالي تمرمر
ردت أوقف دمع عيني لنه فوق الوجن حفّر
من الهجر ناري تهب...و القلب أصبح منشعب
وش سدر مني يا ذنب ...حته حزني إبنار يسعر
حيلي إنهدم يهل الشيم ...و كل العمر أصبح عدم
قلبي إنشعب من القهر...فتني السهر فتني السهر

شفت روحي ابقاع وحشه و روحي منها القاع أوحش
قمت ألم بذكرياتي و ترد مثل الدمع تنطش
إشما صحت عالدهر شفته عن سمع أحزاني أطرش
من أسكت ايزيد القهر ...و من المحن حالي إنكسر
و بجوره هضّمني الدهر...و بالقلب لوعاتي نبّش
و شيحمل اهموم القلب ...و الأهل فرقاهم صعب
قلبي إنشعب من القهر...فتني السهر فتني السهر

طفله و أتذكر دلالي إبيت أبويَّ الراح مني
كل حياتي إبروض جنه و من بعدهم ذبل غصني
و صار حالي ابزغر سني مثل حن الورق حني
كل سا أناشد فكرتي ...كافي صب العبرتي
حتماً تعود عترتي...و بالأمل ميخيب ظني
لو حوم إعليه الأجل...أبقه إويه روحي ابهالأمل
قلبي إنشعب من القهر...فتني السهر فتني السهر

جنت أسمع من أبويه الصبر محموده صفاته
و منه كل صبح و مسيه إتعلمت جوهر حياته
و تالي راح الدار غربه و خله قلبي بذكرياته
برعم حياتي من إنفتح ...روضه تعليمه و شرح
و من بعده جن صبري إنذبح ...و الجسم قربة وفاته
شيصير صبري بالمحن...و الضعن راح امن الوطن
قلبي إنشعب من القهر...فتني السهر فتني السهر

[ابوعلاء العكيلي]

السلام عليكم ورحمة الله وبركاته
احسنت بارك الله فيك............ جزيت خيرا

[جوار الامير]

جزاكم الله خيرا ، موفقين

[من نسل عبيدك احسبني ياحسين]

شكرا جوارالامير

[أنصار المذبوح]

جَزآك آلمولٍى خٍيُرٍ " .. آلجزآء .. "
و ألٍبًسِك لٍبًآسَ
" آلتًقُوِىَ "وً " آلغفرآنَ "
وً جَعُلكٍ مِمَنً يٍظَلُهمَ آلله فٍي يٍومَ لآ ظلً إلاٍ ظله .~
وً عٍمرً آلله قًلٍبًك بآلآيمٍآنَ .~
علًىَ طرٍحًك آلًمَحِمًلٍ بنًفُحآتٍ إيمآنٍيهً .!