زينب العباس-أيهاب المالكي

[من نسل عبيدك احسبني ياحسين]

قولوا له أنَ الدماءَ بكربلاء... كالنهرِ قد سالت وأطهرها نزَلْ.
قولوا له أنَ الحسينَ مقطّعٌ... وبرمحِ قاتلهِ عمامتهُ تُحَلْ.
وكفوفُ عباسٍ تلقّفها الثرا... فيهن عن صرحِ الأخوةِ يُستدلْ.
عطشٌ بهيبةِ آلِ بيتِ محمدٍ... فلقد سما وبقربهِ ماءٌ مُذَلْ.
وعيونُ عبدُ اللهِ قد ظمئت وما... علمت بأن شفاههُ بدمٍ تُبَلْ.
ونداءُ زينبَ بإستغاثةِ جدها... قد ظلَ صوتاً منهُ مرتسماً بتلْ.
تنسبين شلون يا زينب عجيب!!! حتى لو بالمعركة وندكم غلب.
إنت بت كرار بت حامي الدخيل... بت اليسمونه قتّال العرب.
إنت ظلت هيبة العباس بيج... من يشوفونج يضمون الركب.
والله لو ما دينج وخلق البتول... جا بجفج طلعت أعراض الغضب.
وجا سحكتيهم حدر طرف الجدام... وجا سبعهم من حدر نعلج هرب.
إلج في قصر الإمارة شجم خطاب... أطيني واحد بالقصر كبلج خطب.
رحتي للشام وذعر دب بيزيد... يزيد خوفه شما يحس ظعنج قرب.
بسوط تنضربين مولاتي محال... إنت أياً كان ونكول إنضرب.
منينله الجرأة يزيد يشيل إديه... حتى ويه الكافل يفوت بمطب.
يدري تتنخين بالعباس أخوج... ويعرف العباس بأوقات الغضب.
لو صدك متجرئ ورافعله إيد... جا بنهر العلكمي الروج إنكلب.
من يصيح آنه البطل عباس إجيت... حتى من ماي النهر يطلع صخب.
جا إجه وكلوله لحك يا يزيد... من سجل الموته عباس إنشطب.
ويبعث العباس جثة بغير إدين... جفوفه ما جايبهن وجايب حطب.
وجا شعل نيران بأمر من الإله... وجا حركهم بالقصر مثل الكصب.
الغربة تطلب منه ما يرفض سؤال... زينب العباس يرفضلج طلب!!!

[خليل علي الزبيدي]

أحسنتم وبارك الله بكم

[أنصار المذبوح]

بارك الله فيك وجزاك الله كل خير

[ابوعلاء العكيلي]

السلام عليكم ورحمة الله وبركاته
احسنت بارك الله فيك ... في ميزان حسناتك

[من نسل عبيدك احسبني ياحسين]

شكرا أستاذابوامنة الطيب