تويت
يالحنينه .. يالحنينه افراكج اصعب من صعب
يالحنينه .. يالحنينه عكبج انعــــــيش ابرعب
واسمع الموت الخذاج يبجي يالزهره بجفاج
*** *** *** *** *** *** *** *** *** *** ***
غبتي عني وغاب عن عيني الفرح
ابجرح كــــــــد الكون دلالي انجرح
البيت اضــــلم يمه بفراكج صــــبح
وباقي بعيوني المـــــصاب ومابرح
يمه وينج .. يمه وينج فارك اعــــيوني المنام
يمه وينج .. يمه وينج جن على الدنيا الضلام
كلبي ضل يمشي وراج يبجي يالزهره بجفاج
*** *** *** *** *** *** *** *** *** *** ***
آنه طـــفله وانتي تدرين الـــــطفل
ايفارك امه ابزغره ابدن مو سهل
والفراك اكبر واشـــد من كل حمل
وفركتج يايــــمه ابــــد مـــاتنحمل
بيش اعوضج .. بيش اعوضج وانتي كل هاي الحياة
بيش اعوضج .. بيش اعوضج والامل بعيوني مـــات
كلبي لحضه مانساج يبجي يالزهره بجفاج
*** *** *** *** *** *** *** *** *** *** ***
يمه مــر وداعـــتج حــــيل الغيــاب
راسي من ضيمي بغيابج يمه شاب
كلبي بالحســـــــره وانينه يمه ذاب
اتعذبت مـــــن رحتي انواع العذاب
ذكرياتي .. ذكرياتي يمه من عندج بقت
ذكرياتي .. ذكرياتي والاحزان اتــكابلت
ياهوه اليشبه هواج يبجي يالزهره بجفاج
*** *** *** *** *** *** *** *** *** *** ***
زغيره آنه اعله المصايب والحزن
بالبرائه وكـــلبي بالــــــهم ممتحن
آنــــه اون والدنيه ويـــــــايه تون
وكمت اشوف الدنيا بعيوني سجن
الفركه صعبه .. الفركه صعبه الاشد منهه الانتضار
الفركه صعبه .. الفركه صعبه وانطرج لــــيل ونهار
املي عيني من ضواج يبجي يالزهره بجفاج
*** *** *** *** *** *** *** *** *** *** ***
عاشرت ايتامج الهم والونـين
وعله حالتهه بجت دم السنين
الحسن ينعه بألم يبجي الحسين
وآنه محــــتاره بقيت ابلا معين
آنه زيبنب .. آنه زينب المارحم بيهه الدهر
آنه زينب .. آنه زينب البجه اعليهه الصخر
صوباني الصوباج يبجي يالزهره بجفاج
*** *** *** *** *** *** *** *** *** *** ***
الكسر ضلعج نفسه اشوفه بغربتي
ونـــار بابج هــــم تشــــب بخيمتي
الصــــطر خدج بيده يضرب عيلتي
وهـــسه رد رايد يفـــــجر حضرتي
ابقه انادي .. ابقه انادي وين اخوتي وكل هلي
ابقه انادي .. ابقه انادي يــــمه يمه يــــاعـــلي
وعبرتي اتلوذ بحماج يبجي يالزهره بجفاج
*** *** *** *** *** *** *** *** *** *** ***
خادم خدام الزهراء(ع)
هشام الشيباني
لاتنسوني بالدعاء عليكم الزهراء
لاتنسوني بالدعاء عليكم الزهراء
حسين منجل العكيلي
تعليق