تويت
((مجلس النواب الجديد ))
********
مجلس النواب ساحه بلآزرع
جيب سدر وجوري وزرع الزهور
الشوك والصبّير مامنَّه نفع
بالبنفسج أكتب وضوّي السطور
اليوم كل الدوله ألك وبأصبعك
رحو غيّر شوفه وينه للغيور
أنتخب عمامه قاط وأي وجه
وجيب أم ربطه وعبايه والسفور
هاي ذمتك وأنته وحدك تنسأل
لاتسلط الخلَّه بيَنك بينه سور
نريده يحلف لمتياز أميزَّه
مانريد أنصير أله جسر العبور
المهم أنحسّه خادم للوطن
مانريد الوعد والدك عالصدور
ياكل بسفرتنه وبماعونَّه
وألنه خادم عنَّه وجهه مايدور
روح غيَّر حالك وحال السواد
الظلمه والظلآّم ماتعشك النور
شعب سلطه وحكم يوم وينتهي
وهذا آخر يوم ألك بعده الظهور
حسين منجل العكيلي
تعليق