مـتـحـيـر الـمظلوم................ ...يصرخ يخويه قوم

[أنصار المذبوح]

مـتـحـيـر الـمظلوم ...يصرخ يخويه كَوم
ظهري إنكسر... يم النهر...و إتشمتت هالكَوم

حـيـن الـلـي إنـخسف وجه القمر بالدم
نـاده إبـصـوت ظـل يدوي إبسماء الهم
يـخـويـه إدركـنـي حان الموت و إتحتم
إجـاه حـسـيـن شـافـه إبمصرعه إمخذم
شـاف القمر مخسوف...مقطوعه منه إجفوف
أحـنه الظهر... يم النهر...و إتشمتت هالكَوم

قـبـلـمـا يـوصـل الـعباس أبو اليمه
أبـو فـاضـل سـمـع شـخص إعتنه يمه
سـهـم إبـعـيـنـه و إعـله الثانيه دمه
يـظـن هـذا الـذي إتـعـنه إله خصمه
إتـمـهـل يـقله الحين...أتوادع إويه حسين
حس بالخطر... يم النهر...و إتشمتت هالكَوم

الـقـمـر عـبـاس مـا يقدر يصد بالعين
مـا جـا يـدري هذا اللي قصد له حسين
يـظـنـه لـلـذبـح شـاهر حسام البين
لـن إيـجـاوبـه حـسين إبنحب و إونين
هـذانـه أخوك و جيت...للمصرع إتعنيت
شـفتك وذر... يم النهر...و إتشمتت هالكَوم

يـقـلـه حـسـين بعدك راح أظل وحدي
وداعـك هـذا يـسـتـنفذ عزم جهدي
و مـو بـس الـعـسـاكر يا قمر ضدي
الـعـساكر و الضمه و هم غربتي ووجدي
لـو تـدري يـا عباس...بعدك يبو النوماس
صرت إبكدر... يم النهر...و إتشمتت هالكَوم

بـيـن إمـوادع الـعـبـاس و حـسينه
أبـو فـاضـل غـفـت يـا للأسف عينه
إحـتـار حـسـيـن لـو يرجع صواوينه
إشـراح إيـقـول جـا ويـن الـقمر وينه
إبـدمع الحزن مذهول...شيجاوب و شيقول
عـفت القمر... يم النهر...و إتشمتت هالكَوم

[خليل علي الزبيدي]

وفقكم الله وسدد خطاكم ابنتي العزيزة

[ابوعلاء العكيلي]

السلام عليكم ورحمة الله وبركاته
بارك الله فيك..... في ميزان حسناتك

[أنصار المذبوح]

وفقكم الله وسدد خطاكم ابنتي العزيزة

[أنصار المذبوح]

السلام عليكم ورحمة الله وبركاته
بارك الله فيك..... في ميزان حسناتك