تويت
((قصيدة بمناسبة وفاة الزهراء عليها السلام))
3\4\2014
((حطب عطَّب))
أهرعت مفزوعه تسمع صرخة جفوف
وريحة حطَّب عطَّب وشتعل نار
فززهه الخدر وعله الخدر خاف
زلم نزعت الغيره ولفت عالدار
زمرة شر سقيفه وحقد واضح
على وجه النفاق وجوه تندار
ثبروا بيته وصابوا ضلعهه
وخذوا للبيعه منها حامي الجار
لواهه الالم وبالسمار شاهد
ولطمت عين خلَّت بيها آثار
باب بروحهه يحرك أسفهه
وعِتبَه للجنين أتقدم أعذار
غيَم دخان مغتاضه وتناشد
أنه بيا بيت كَولولي يكفّار
دار الجان جف النبي أيدكّهه
مومعقوله هذا اعله النبي صار
لامعقوله وعقل بعد الاجرم
جرم مليان بالسابقه وأنذار
خانوا بالرساله وبدت لجروح
جرح يكشف مرار الظلم والعار
حتَّه الدمعه خلّوهه بمواعيد
وصارت دمعت المظلومه تحتار
تبجي الليل مايرضون عالّليل
ويفضحهم بجيهه بعز لنهار
ست شهور غابت زهرة الكون
وكّبرهه من الهظم سر من الاسرار
ياجر نور يظهر يفرج ألهم
وبشوك الوفه أنروحلهه زوّار
حسين منجل العكيلي
تعليق