تويت
اسليم حگه لنّه ما دره *** سايل ال سلمان بالصار او جره
عمي ياسلمان احچي لي الصحيح *** صدگ هاي الكوم گادو حيدره
جاوبه سلمان ابنوح او نحیب *** او دمعه علخدين من عينه جره
گال يا عمي شرد احچي او شگول *** ذوله موش اسلام احچيها اشكره
گلي شنهو الصار في گوم اليهود *** طلع من الگوم كل اللي طره
جاهم السامري وياه العجل *** من وراه ابليس ساند له اظهره
گال الهم تره عندي الصحيح *** او ماكو اصحيح غير اللي انظره
نبيكم مات ما يرجع بعد *** وما نريد الناس ابدن تذكره
اوبالسقيفه صاح ابصوته الحقود *** لازم اهل البيت ندفعهم وره
وما يسودعلينه غير اللي نشوف *** وعدنه اشروط نشرطهه تره
نِنْصب امن الناس ياهو اللي نريد *** واللي نصّبه الاله انأخره
لاتگولون النبي نصّب امير *** الامير كون منّه انأمّره
وما نريد المجد عد هاشم يزود *** ولا امامة من بعد النبوة سائره
ما كفه السووه من غصب الحقوق *** جابو اعله البيت نار اموجره
بيت طاهر رجس ما يدنّه ليه *** ابخدمته املاك السمه متفاخره
ابباب القداسة النار شبّاها الحقود*** وبرجله الخبيثه تالي كسره
ونبّت البسمار بالصدر الشريف *** لام الاطهار البتول الطاهره
وما كفاه ابسوط لوعها الخبيث *** والرجس بيده خده ساطره
شلت ايده العين طفاها اللعين *** والتراچي اعله الثره متناثره
واللي حز الگلب واسبل لي الدموع *** من لاذت الحرة لنفسهه ساتره
خلف الباب لاچن من علم *** صاحب النفس الخبيثه الماكره
گام ايدوس بالباب ابحقد *** گاصد الصدر العفيفه يكسره
اومن عصرها النذل للگاع اوكعت *** واسگطت منها الجنين اعله الثره
او گادو الليث ابحبل مثل الاسير *** شلون امنو ضربته والزمجره
الوصيه امگيدته لمن درو*** صارت الثعالب عل الاسد متجاسره
اسباع عد النفه لاچن بالصدك *** غزلان تشرد من صفير الصافره
ياحسافه الناس غدرت بالامام *** وياحسافه الوگت لو دار اظهره
حسين منجل العكيلي
تعليق