إعـــــــلان

تقليص
لا يوجد إعلان حتى الآن.

خالد محمد مهدي الحجار // قصيدة ((حروف أسم زينب )) عليها السلام

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • خالد محمد مهدي الحجار // قصيدة ((حروف أسم زينب )) عليها السلام



    ((حروف أسم زينب ))

    **************

    زينب من أسمهه تحجي لحروف
    وتِسَكت شفاه أميَّه لو تكلمن
    حجيهه من تسمعه وقع لسيوف
    بين الصكد والشك يكَطع الظن
    أبد مامن صبرهه أعليهه صبره
    هيَّه أعله الصبر متفضله بالمَن
    جبل فارع الطول سفوحه لجبال
    ماشالن حملهه ويمهه وكَعن
    أجتهه جروح دنيه الكربله بعوز
    مثل طير الكَطه بالخيم جلَّن
    مثل تايه يدوّر ملبد بليل
    أبحر حزن العقيله وهمَّه حطَّن
    حقد بدر وأحد وأهل السقيفه
    الهبل وأيامه والاحلآم حنن
    فار الغيض نار وشب شيطفّيه
    حقد موروث نيرانه ميطفن
    مات من الجزع أيَّس يذلهه
    تزيد اصرار وسهامه يلجمن
    هاي أم الحزن معجم معاني
    كل معنه وفضيله ألهه ردَّن
    ليال السود صارن خدر ودموع
    وشموع الحزن ظلَّن يضوَن
    أتنخَّت الحرَّه بصرخة ألآه
    هاي الصرخه نعرف تعني ألمن
    رايه وغيره وجفوف المودَّه
    تعذره جروحه وأسبابه الميخفن
    التل وياهه صاح وندب يحسين
    حبيبي ياحسين نودعك بوَن
    كّصدت عله الشام ورافعه الراس
    ماهمهه النكرهه وكَال بتمن
    نصبت فوك عرشه عزه ورايات
    الظلمهه من غضب الله ميامن
    سطرت للمجد أشرف مواقف
    وصعد عاشور عالمنبر وأذَّن



  • #2
    السلام عليكم ورحمة الله وبركاته
    طيب الله انفاسك واعظم لك الاجر

    حسين منجل العكيلي

    تعليق


    • #3
      ممنون لفيضكم ودعائكم
      شكرا// ممنونو

      تعليق


      • #4
        الله عليك قصيدة جدا جميلة طيب الله
        انفاسك وبارك الله في جهودك
        وقضيت حوائجك بحق زينب

        تعليق


        • #5
          احسنتم طيب الله انفاسكم المباركة جزاكم الله خيرا ورزقكم شفاعة زينب عليها السلام


          (لاي الامور تدفن سرا بضعه المصطفى ويعفى ثراها)

          تعليق


          • #6
            ممنون لمروركم الكريم وفيضكم العذب
            شكرا \\ ممنون

            تعليق

            يعمل...
            X