امي نذرتني ..........هيه وصتني........ يمة لا تنسى علي

[أنصار المذبوح]

امي نذرتني هيه وصتني


يمة لا تنسى علي
____________

جان الي والد يحبك يندبك يوم المحن


وامي غذتني الولاية من الطفوله وية اللبن


اكبر وهاي المحبة تكبر بكد الزمن


بذمتك امي امانه سيدي يابالحسن


تدعي وتصلي جانت تكلي


يمة لاتنسى علي
_______________


جانت تلوليلي بسمك لمن تهز بالمهد


تكلي لا تنسى علي واندب علي يوم الشدد


يمة حيدر ما تعوفة انطيني من هسة عهد


انا كتلها وحياتج ما اعوفه للابد


لازمة ايدي تكلي يوليدي


يمة لا تنسى علي
_______________


يا علي اشكر سعيها بتربيتها الطاهرة


تكلي اخدم بالمجالس يبني واخدم منبرة


يا علي انا بخدمتك صيح دنيا واخرة


يبني ولاخر حياتك هذا عهدي اتذكرة


اوفي تربيتي واسمع وصيتي


يمة لاتنسة علي
______________


كبل لتموت سألتها بالوصية تلفظي


تكلي يمة خلي عمرك بالخدامه ينقضي


والي حيدر وبسوة حيدر ابد لا ترتضي


من يسألونك تكلهم انا شيعي ورافضي


لا يهمونك لو يذبحونك


يمة لا تنسى علي
____________


تكول لا تترك طريقة يبني وامشي على الجمر


لا تعز عمرك ييمة وحيدر اغلى من العمر


الغالية الغذتني حبك يا علي من الصغر


وداعة الزهرة لامي احضر بالكبر


تكلي كل لحظة لو ردت ارضى


يمة لا تنسى علي
_______________


كلمن يحبك يحيدر يشكر الله ويحمده


انته ويا بالقيامة على الكوثر موعده


واجب على الشيعي كون يبوس ايده لوالده


لان ما قر بالولاية اله طاهر مولده


امي اشكرهه توصي اذكرهه


يمة لا تنسى علي

[من نسل عبيدك احسبني ياحسين]

مبارك الولادة

[جوار الامير]

الف الف الف مبروك بولادة سيدة نساء العالمين

[ابوعلاء العكيلي]

الف الف مبروك ولادة سيدة نساء العالمين عليها السلام
السلام عليكم ورحمة الله وبركاته
احسنت بارك الله فيك.........جزيت خيرا

[زهراء الموسوي-]

الغاليه الغذتني حبك ياعلي من الصغر...

وداعة الزهـــــره لأمـــــــي احضر بالكَبر....

~وفقكِ الرحمن بحق الأمير علي عليه السلام~