نبارك لكم الولادة الميمونة للزهراء البتول (عليها السلام)
واليكم بعض الكلمات المتواضعة بهذه المناسبة
واعتذر سلفا من الاخوة الشعراء ان كنت قد اقحمت نفسي بينهم ولست منهم
الشمس ضحكتْ هلهلتْ فرحانــــــه *** والكون كله حيّا نور الجانــــــه
الكون كله اليوم فرحان ابتشرْ *** والنجوم اسبشرتْ ويه الگمرْ
انْولْدتْ الزهراء بتْ خير البشرْ *** انقدمْ لك تهاني طه يامولانه
صاحتْ الاشجار هبّوْ للفرحْ *** والفراش يهني الازهار الصبحْ
والطيور ادوْر فرحانه بمرحْ *** احنه مسرورين ياهو اويانه
منهو يروح خي يطشّ الخبرْ *** اعله الغيوم او ويه حبات المطرْ
فاطمة الزهراء من نسل الطُهرْ *** شع الليله نورَهَا ابدنيانه
الملایك حلّقتْ طول ابعرض *** اوصارتْ بافواج تنزلْ للارضْ
اليوم عدْ طه يكتملِ الفرضْ *** انبارك الْ أحمد جيّة الريحانه
هذا جبرائيل وجهه مبتسمْ *** والعرش فرحان ويانه انسجمْ
كون رب الكون اتحفنه ابنعمْ *** او خير هاي النعمْ زهره اجنانه
العالم ابهذا الحدث هلْ مبتهجْ *** جية الزهراء مفتاح الفرجْ
لازم احنه انروحْ للكعبه اونحجْ *** او نشكر الربّ الذي اعطانه
مولد الزهراء معناه النصرْ *** لأن منها يشعْ نور المنتظرْ
وبيده ايحطمْ بنيان الكفرْ *** ولا تلوم الكفرْ هل غدت زعلانه
لا تلوموني فرحان وأكولْ *** هذه الحوراء والبضعة البتولْ
سادت الزهراء بتْ طه الرسولْ *** اعله الخلايك سادت او نسوانه
الكم الافراح ياشيعة عليْ *** باركو ال طه اوياه الوليْ
الحزن ما نهواه خله ينجليْ *** والشرك راح اندرس ابضغانه
الشمس ضحكت هلهلت فرحانــــــه *** والكون كله حيا نور الجانــــــه
تعليق