تويت
اسم القصيده(يجابر مادريت)
****************
يجابر مادريت اشصار بيّه
يعمي من لياليل الغاضريه
**عفت حسين دامي الماي محروم
**ومظلومه خذوني اميسره الگـوم
********************
ماتطفه الحراره البينه حرَّاگه**تظل تلهب گلبنه لمِّه نتلاگــــــــه
موالينه تظل انصار مشتاگــه **تنوح ويانه من نبجي على فراگه
ابو اليمه العهد وقَّعه أبدمــــّـه
حفض دين ورسالة نبي الأمّـه
**بݘت حتى السمه دم عله المظلوم
**مضلومه خذوني اميسره الگــوم
****************
عفت نحره اگبال العين دامـــــــــــي**راســــه ايرتل القران گدَّامي
من يتصوره هم گلبي والامــــــــــي**عليّه بعده مرت سودَه ايّامي
ترض صدره يعمّي خيول عشره
عساهه عيني تعمه وماتنظــــره
**عطش ݘبده وشراب الماي محروم
**مظلومه خذوني اميسره الگــــــــوم
********************
اشلو ن انطاني گلبي اصبر عالبعاد**كل لحظه التمر وحزاني تزداد
وصاني الحسين الصبر ينـــــــــراد**عليّه الذكرى بالآلام تنعـــــــاد
يخوي اگعد وعاين عله امتوني
ماشاهدت عينك يضربونـــــــي
**عفاها روحي متحملــــه لهموم
**مظلومه خذوني اميسره الگوم
******************
سمعت عباس ݘفّينه رميه**ابسهم عينه عسه عيني طفيه
عمود البين هّو العم عليّه**بعد ݘف الشهامه أمشي سبيه
راح الگالّي ادلليلي ابجالـــي
غاب وصار حال الظيم حالي
**طــــاح البيت لمن هوَ الجيدوم
**مظلومه خذوني اميسره الگوم
******************
شحجيلك يجابر عن الاكـــبر**أوعن جاسم العريس التوَّذر
ونبلة حرمله الصابت المنحر**صرخ صوت الضمير الله أكبر
شبَّت نار واخذت كل خيمنه
بالبر هجت اطفال أوحرمنه
**مهظومه تعاين وجــــه مهظوم
**مظلومه خذوني اميسره الگوم
*************************
تعليق