قصيده بعنوان//((مانسوه العتب)) عن حال الوطن وناسه

[خالد محمد مهدي الحجار]

(مانسوه العتب)
************

انحنه ظهرك عليك الشيب بين
تعب سنين هدتّ حيلك شبيك
جنت تجرع سجاجين الخيانـــه
وابـــــد مايوم دنَّك راس عاليك
مانسمع صرختــك يابو الجروح
واحنه ندوس بالعلَّـــــه التآذيك
خراب وموت والتابوت فرحــــان
بدمع جذاب اولادك تواســــيك
ماغــزَّر وياهــم زاد لامـــــــاي
ماجازوك يابو الخيــــــر ناسيك
حبيبي المايمد ايده اعله جرحك
مايستاهل يعيش باراضيـــــــــك
لجن غصبن تــرد وبرغـــم الآلآم
عالــــي راســك وبارينه يحميك
يامهد الأئمــه والرســـــــــالات
مابينـــه رجــه ونعيــد ماضيــك

[زهراء الموسوي-]

قصيده رائعه احســـــــــــــــــنت

[خالد محمد مهدي الحجار]

ممنون لفيضكم العطر