تويت
((دموع زينب ))
***************
مشتاك أزورن زينب
وأسمع دمعهه الينحب
حتَّه أنحب ويّاهه
وأبجي عله بجاهه
************
يطيور الحمام الكَلبي أخذنه
بوسط صحن العقيله بهيده خلَّنه
خل يشبع زياره يمهه عوفنَّه
وأذا ماراد يرجع لاتغصبنَّه
بلهفه يطوف الشبّاج
ويسولفلهه أشمحتاج
أرد أكسب أرضاهه
وأبجي عله بجاهه
************
من بعد المسافه أبعث سلام ألهه
عله النيّات ادري الحرَّه تقبلهه
وتعذرني اذا ماأكدر أوصلهه
بنخوه من بعيد المعضله أتحلهه
أنخاهه بسم العباس
وأرجاهه مرفوع الراس
من حقي أتباهه
وأبجي عله بجاهه
************
دمعي حروف أسمه خط عله الخدين
وكَلبي وي كَلبها ينــــــــادي آ يسحين
أكتبلــــــي الزياره بعمري لو يومين
وبعد زيارتــــــــي يارب هله بالبين
أشبك كبرهه بدمعه
والروح أعلك شمعه
ومدمعي طفّاهه
وأبجي عله بجاهه
************
أبات وأصحه يم مرقدهه وتذكَّر
ويظل محزون كَلبي بهمَّ يتصبَّر
ويَ دموع اليتامه دمعي يتفجَّر
مرار الطف اذكره ولوعة المنظر
وتصوَّر عليهه شدار
والخيم متعطبه ونار
ياعظم بلواهه
وأبجي عله بجاهه
************
روحي أتروح أسيره وي سفر لضعون
تواسي دمعت الاطفال من يبجون
وتعاين الدمعه وجرح سوط أمتون
هيجي آل أميَّه اطفالهه أيسكتون
شفَّه بعطش مسبوكَه
ودمعه بجفن محروكَه
وصرخة يتاماهه
وأبجي عله بجاهه
************
تعليق