تويت
الدمعتج منذور كل عمري وحياتي وعاكد آنه بخدمتج كل امنياتي
يافرات الكلمن ايمسه الضمه انتي زينب انتي بت حامي الحمه
************************************************** *
انتي آيه من الاه اسمج صبر
وآنه ارتل بيج كضيت الــعمر
يكفي حيدر والدج فارس بدر
يا أميره بكلــــبي بانيلج قصر
اشما اقدملج قليل وما اوافيج انتي يتوضه الشرف من ماي رجليج
روحي من زغري بخدمتج هايمه انتي زينب انتي بت حامي الحمه
************************************************** *
فضل من عندج تقبـــــليني عبـد
آنه عالخدمه يـــــزينب منحــسد
هيبة اسمج غار من عنده الورد
دونيتي ابقدرج احــــروف المجد
زينب ورب العلى يالحره سماج واعله كل هاي النسه بارينه علاج
اخت عباس الابيه العالمه انتي زينب انتي بت حامي الحمه
************************************************** *
انتي تختلفين عــــن كل النسه
بالشرف والعفه انتي المدرسه
الماي لوما انتي يصبح يابسـه
والصبر يازينب انتي الاســسه
ياكلب مثلج تحمل كل الآلام ايطلع الروح السهل ومصيبة الشام
آم من الشام كلبج ألمه انتي زينب انتي بت حامي الحمه
************************************************** *
من اباوع عالشمس اسـمج اشوف
والكه كل نور السمه حولج يطوف
بيج يازينب شفت جــــرح الطفوف
الماقبل يلــــــتام وتروفه الضروف
منين ماجيلج اشوفنج حزينه والدمع عندج صبح عاده وسنينه
من الزغر عالنوح انتتي معلمه انتي زينب انتي بت حامي الحمه
************************************************** *
جنتي ام الصبر هسه ام الــحزن
وكل المصايب على مصابج تون
اوف مــن الدنيا جــــانتلج سجن
والوسن مايوم مـــر اعله الجفن
كربله الهدمت حيلج يالعقيله وصبح غير النوح ماعندج وسيله
سكن كلبج حزن امج فاطمه انتي زينب انتي بت حامي الحمه
************************************************** *
جان عمرج ليل ومــــفارك صبح
وكل جرح ينزف جرح يابو جرح
وعله اجروحج دنيـــتج تنثر ملح
بينج وبين الفرح مـــاكو صــــلح
من بعد جرح الطفوف وضيم اميه الكبرج اليوم التجت هالناصبيه
كبرج اتريد الطغات اتهدمه انتي زينب انتي بت حامي الحمه
************************************************** *
هشام الشيباني
تعليق