تويت
حاجاتي اشما تثگل بيّه
أگصـد ليك ابهاي النيّه
و أدريها ابإسمك مگضيّه
و أدريها ابإسمك مگضيّه
يا حبْـل الله البـينه او بيني
و اشما يصعب حالي او يِشتَـد
إنته البــاب او ليـك المَگـصَـد
و امْـن اصرخ يا سَـيْـد امْحـمَّـد
تسمعني او أدري اتْـلَـبِّـيني
مو مرَّه او مرتين او عَـشـره
امْـجرَّب للحاجه اِلْـمِـتْـعَـسْـره
واعْـليك امْـنَ اقْـسِــم بالزّهره
اتْـمِـد چفّـك ليَّه او تنطيني
أوّل حاجه الجــيــت أدعيها
و الباري ابجاهَـك يگضيها
ايْـفـرَّج عـالاُمّــه ابْـمهديها
او بالغايــب تتكحَّـل عيني
او من يبدي المهدي ابْـثاراته
ذَكْـره ابْـأمْـرِ اِلْـمـا ظن فـاته
خــل يِـنـقِــذ مَـرقـد عَـمَّــاته
او للشام اوْيـاه اِيودِّيني
زيـنــب بـالشّــام اِلـوَحَّـدْها
خل ينهض يحرس مرقـدْها
للساعه او دمْـعَـتها ابخـدها
اوتصرخ وين اللي ايْحاميني؟
او آخر حاجه الظلَّـت عندي
مــن يوصل للشَّــام المهدي
يبني مرقــد {حِجْـر الكِـنْـدِي}
هالحاجه ابگلبي او تدريني !
الشاعر ،،، عادل أشكناني
الشاعر ،،، عادل أشكناني
تعليق