تويت
((سلام الله ))
سلام الله أعله أبو فاضل
على يسراه ويمينه
على جوده على عينه
سلام الله سلآم الله
***************
سلام الله أعله كافل زينب الحرَّه
ماخلآّهه بالطف لحظه متحيره
فارس هيبه عالي الشان والقدره
يدري بخته وكت الموزمه أتعذره
سلآم الله على روحه
الدهر من زينب سباهه
دزهه الرايــــــه ويّاهه
سلام الله سلام الله
*************
حضن جرفين ماي النهر وتمنَّه
منّـــي يالفــرات أكَطعهه للظنَّه
كَلب حسين نـــاره بكَلبي وتهنّه
حفظ جفّينه عهده وما شرب منَّه
سلام الله أعله حر كَلبه
عباس الوفــــــــــــي أسمه
عله وجه الماي ظل رسمه
سلام الله سلام الله
*************
بفيض الغيره شد جوده أعله جتفه
والعباس غيـــــــر حسين ميعرفه
يعرف خوَّتــــــــه ماترد بالوسفه
كفكفهه الزلــــم من يكحمه الجفَّه
سلام الله عله الرايه
دمه جفّينه ساريهه
أرض الطف روابيهه
سلام الله سلام الله
*************
وفه الحادي بوعوده وهمَّه جان الجود
ماهمّتـــه جروحـــه ولا كَطـــع لزنود
أطفالــــه تريده بالســــــــــــلامه يعود
حلم ودّعه فوك المشـــــــرعه بشهود
سلام الله عله زوده
وكَع مستحي من خيامه
بيهه سكنه وأحلامـــــه
سلام الله سلام الله
*************
راسه ويَ الضعن حارس كصد للشام
يعاين اختــــــه من غيره شكثر تنظام
الجرح فوك الهزل خـــدَّر ونوح أيتام
يرد عباس هوَّه لو ترد لايَّــــــــــــــام
سلام الله أعله كافلهه
زينب شامخه براسـه
وتتنفس بأنفاســـــــه
سلام الله سلام الله
*************
تعليق