مولود للأمام علي أبن أبي طالب (( أميري ياعلي))

[خالد محمد مهدي الحجار]

بمناسبة قرب ولادة أمير المؤمنين علي ابن ابي طالب غالب كل غالب ومظهر العجاب أميري وسيدي ومولاي

(مولود للأمام علي عليه السلام ))
((أميري ياعلي ))
*************
بعدنه شما بعدنه
نظل يمَّك بعدنه
أمير أنته عالكَلوب // يغالي وأعز محبوب
أميري ياعلي أميري ياعلي
*******
سعدنه ياسعدنه
فلآ نخلف وعدنه
بعهد الذر يغالي // أنته أوَّل وتالي
أميري ياعلي أميري ياعلي
*******
حمدنه الله حمدنه
عله محبتك حمدنه
مهما عاندونه // وبغضاً فجرونه
أميري ياعلي أميري ياعلي
*******
عهدنه أنته عهدنه
بصلب طاهر شهدنه
أمام الانس والجنه // كل أروانه أتحن
أميري ياعلي أميري ياعلي
*******
بمهدنه من مهدنه
حليب أمنه سندنه
غذّانه وروانه // حبَّك ربه ويانه
أميري ياعلي أميري ياعلي
******
وردنه الود وردنه
ألك فتَّح وردنه
عدل ميزان جفَّك // يعجز من يوصفك
أميري ياعلي أميري ياعلي
*******
وحدنه أنظل وحدنه
العده ماجزه حدنه
رغما عالنواصب // حبَّه أحله واجب
أميري ياعلي أميري ياعلي
*******
كصدنه من كصدنه
اليقين أنته عمدنه
ماخيَّبت طَلآب // ولا سدّيته الباب
أميري ياعلي أميري ياعلي
*******
يردنه الحب يردنه
بحرنَه وبَّردنه
نوصل ألك زوار// نعرفك حامي للجار
أميري ياعلي أميري ياعلي
*******

[خالد محمد مهدي الحجار]

تصحيح
امام الانس والجن
بدلا من امام الانس والجنه
مع التقدير

[من نسل عبيدك احسبني ياحسين]

وفقت أستاذنا ونسألك الدعاء

[خالد محمد مهدي الحجار]

نثرت وردا الوانه زاهيه
عطره فواح
فيضه ود
شكرا// ممنون