مر بينه

[الياسري]

من هظم اليتامه الشافت الضيم
ومن لوعة ابو مكسورالجناح
من دمعة الأم الشــافت الضيـم
مكسورة كلب ضحكاتها شحاح
همها اتشبع ابنه البهــذله العوز
مسها الضيم تصفج راح عالراح
يا لمشرع قوانيـنـك مزاجـات
خــدمتكم جهاديـه وبلايه سلاح
هـمـك جمعيـته تحـصل حقوق
وانه سنين عمري خلصت جراح
وكل هذا الحجيته ارد ابين حك
ياهو اليستحق اكليل من قداح
وياهو اليستحق ننصبله تمثال
ويقدسه اليمر والجاي والراح
للمفصل قماصل من بطاطين
للمكظي العمر حسرات ونياح
لليكلب الياخه ايام وسنين
للشايل ابحتفه حنطته سلاح
لليطلب ملابس من الاصحاب
احجي ولا تذري ارماد برياح
لو للجاي ومحمــل ملاين
لا تبجي عليه ادموع تمساح
احنه تحملينه ايام وسنين
رخصنه العمر وانذرنه الارواح
مر بينه المايمر بالحلم عالناس
صبرنه وحولينه احزانه افراح
احنه اهل التفك والفاله والمكوار
احنه اهل العراق العطره فواح

[من نسل عبيدك احسبني ياحسين]

نسألك الدعاء أستاذنا

[جوار الامير]

احسنتم
جزاك الله خيرا
ونسألكم الدعاء