وين اخوتي وباقي الاهل -- زينب تناشد وبعجل

[عاشقة زينب ع]

اللهم صلِّ على محمد وآل محمد وعجّل فرجهم


يهلي قرب مني الاجل -- ومحد گرب ليه اوصل

*****

زينب انا ولمن طحت -- علتـي يبـويه جبيـره

ياعلي بنتك لو شفت -- بعيوني نظـرة حيــره

وحدي بقيت بلا اخو -- وحشــه عليه الديـره

اخر نفس بيه وصحت -- عبــاس يابـو الغيــره

وين اخوتي وباقي الاهل -- زينب تناشد وبعجل

***
وبيوم دفنتها تون -- صاحت يخويه حسـيني

ياهـو الينزلني الگـبر -- وبدمعته يواسيـني

عباس خويه ماتجـي-- اوانطـيك انه جفينـي

بس هل عليه هالترب-- وبيدك تغمض عيني

صبري أنه ايهد الجبل -- لو ازعل الكافل زعل

***

وينك يحماي الحمـه -- وحـدي انا وحيرانــه

ترضـه اظـل بلا اهـل -- وابغربتــي حـزنانــه

يابويه داري موحشه -- ومُرهَ اصبحت دنيانه

تاليهه من عگب الگمر -- صار الشمر يبرانه

وحسين يابويه انجتل -- هذا الجره والي حصل

***

عباس صابوه بغـدر -- گـطعوا يبويه جفــوفه

وروع رقيه هالشمر -- دخلهه قـصر الكــوفه

وطبيت للشام بقهر -- وايدي بحبل مجتـوفه

فرجه صرت للي يمر -- وخيالي كلهه تشوفه

تفكيره هذا هلنـذل -- كـل ظنـه والزينــب يذل

***

ترضه يشوفوني االعده -- ماظن ابد ترضاهه

وگليبي لبن امي يرف -- ولشوفته اتمناهــه

كل صوره بالطف مؤلمه -- مگدر ابـد انساهـه

وعيـوني متبطـل دمع -- لو اسمـع بطـرواهـه

يلمهدي اظهر بلعجل -- اظهر ورجعلي الامـل

يهلي قرب مني الاجل -- ومحد كرب ليه اوصل

***************

بقلم عآشقة زينب عليها السلام

[~ أين صاحب يوم الفتح ~]

السلام على جبل الصبر ،،،،السلام على قمر العشيرة


اللهم عجل لوليك الفرج ،،،،


صح لسانك وسلمت يمينك ،،،،،كلمات غايه في الروووعه

[من نسل عبيدك احسبني ياحسين]

حفظك الباري