يامه ناديت يعباس يعباس -- وحدي ضليت يعباس يعباس

[عاشقة زينب ع]

يامه ناديت يعباس يعباس -- وحدي ضليت يعباس يعباس

عگبك و الحسين -- صوبني هالبين

جنت ابزودك امشي وراسي عالي
عايــن هسه خويه و شوف حــالي
زينـــبكم انـــه و شافـــوا خـيـالـي
يـالفـرگـاك مـا جـان اعلــه بـــالــي

خاليه الدار يعباس يعباس --گلبي محتار. يعباس يعباس

عني رحت وين -- صوبني هالبين

بجتافي الشمر تعلم شــسوه
سوطه اعلى المتن گام ايتلــوه
اخذني اعلى الهزل للشام گوه
ريتــك تنــتفـض بأسـم الاخــوه

خويه وتشيل يعباس يعباس.....حملي لثگيل يعباس يعباس

وبگلبي سهمين -- صوبني هلبين

رقيــه تنــوح منـي تريـد ابـــوها
مثل الزهـره عالخــد اضـربــوهـا
يخويه امن البجي همه احرموها
جــابــوا راس ابـوهـا وسـكتـوهـا

دمعي سجاب يعباس يعباس -- جرحي ماطاب يعباس يعباس

وگليبي نصين -- صوبني هلبين

خــويه للقـصــر مـن دخلـونـي
كـل اعــداك گـامــوا يـشتموني
ترضـاهـا يــخــويه يهـضـمـونـي
وانه زينب يروحي وضوه اعيوني

اخذوالثار يعباس يعباس -- والدمع نار يعباس يعباس

شل روحي الونين -- صوبني هلبين

انا العـباس خـويـه وسـامحـينـي
على راسي العتب بس اعذريني
اجفوفي مگطعه ومصيوبه عينـي
و بعتـابــچ يخــيتـي تـألـمـينــي

حگي انخاك يعباس يعباس -- بولية اعداك يعباس يعباس

ودموعي صوبين-- صوبني هالبين

عتابي وياك من ضيمي عتبته
المثلك ما يـعـوف بغـربه اخـتـه
مُـر حيل اليـسـر گـوه اوجرعته
الشمر ريتك يبو فاضل سـمعته

سبني ياحيف يعباس يعباس -- ماتمر طيف يعباس يعباس

واتصبرالعين -- صوبني هالبين

&&&&&

بقلـم عآشقة زينب عليها السلام

[~ أين صاحب يوم الفتح ~]

سلمت يمينك ،،،،،،، ودام قلمك

عطر الله أنفاسكم الطيبه ،،،،

كلمات جميله

[من نسل عبيدك احسبني ياحسين]

حفظك الباري

[عاشقة زينب ع]

الله يحفظكم