تويت
أنـــه زيـــنــــب يـالــتـودعـوني مـن تـعـيـفونـي مـا يظــل والـي
تـســــمـعـــوني لاتــــوصــونــي وآنـه بعــيـوني أحـرس عيـالي
تــــودعـــــوني تـــــودعـــــوني
* * *
أودعـكـــــم يــــــولـيــانــي وبـگــت هـالليـــــله ويــاكم
ابـجـرح گـلبي ودمع عيني اســـجـل كـــل وصــايـاكـــم
ابـخـيـمنه الليله مجموعين وبـاچـــر صـرعــه ألگــاكم
ولون رحتوا بوسط روحي ألـــم واجـمـــع يـتـامــاكـــم
أظـــل وحــــدي ولاولــي عندي يوگــف ابحـدي ويجـمع اطفالي
ابجرح چـبـــدي ينرسم عـهـدي ابهمتي وجهدي أحـرس عيـالي
تــــودعـــــوني تـــــودعـــــوني
* * *
حــرت هـالـلـيـلـه يـالوليان اشتشوف عيوني من هالليل
ظـــلام ودويــة الفـرســـان واسـمـع بـس صهيل الخيل
اجـــي والتـفــت لـلاطـــفال اشوفـن بـس دمـوع تـسيل
لـهـالـتــوديـــع والفـــرگــه خلـــونـي أشــــد الـحـــــيـل
كــثـــر هــمّـــي وانتـه يبن امي بالـخـيـم يـمـــي ويـاوسـف تالي
الجســـم مـدمي وعالترب مرمي وآنه من عزمي أحـرس عيالي
تــــودعـــــوني تـــــودعـــــوني
* * *
يـبــــو الـيـمـه اشـتوصيني وهـالليــلـه الأخـيـره اوياك
يخـــويه ابمصـرعـك باچـر أشـوفـك منـخـضـب بدمـاك
اعــوف خـيـامي بيها النار وأگصـــد للمـعـــاره هـنــاك
أصيـح انهـض يبو السجاد الخيـــم حـرگـتها نار اعداك
ابـدمـــع هامـي ألگــــه جـدامي جسـمـك الدامي وينـدهش حالي
ابگلب ضامي ابحـرگـة خـيـامي اجمـع ايـتــامي أحـرس عيــالي
تــــودعـــــوني تـــــودعـــــوني
* * *
يـخـويـه حسـيـن ارخصني أودع كـــافـــل الـعـيــــــلــه
واگــــلـه يــاگـمـر هاشــــم حـــــــله التـوديــع هالليـلـه
المـهــج عطشانه والعسكر يـحـيــط العلـگـمـي ابخيلــه
واشـــوفـن بالخيم رضعان ابضـمـاهـــا المـدمـع تسيله
الحـزن راسم يـــاگـمــر هـاشــم عـالـنـهـر نـايـم چـــنـك اگـبـالي
العـدو غاشـم وعالـخــيـم هـاجم وبگـلـب هــايـم أحـرس عيــالي
تــــودعـــــوني تـــــودعـــــوني
* * *
أودعـــك يـا كـفـيل احمـاي وقِــطَــع مـن چـبـدي تتناثر
تـرخـصـنـــي أريــد أمشـي واروحــن يـم عـلـي الأكـبر
أگـــلـه يـبــن اخـويه اليوم وجهــك چــن بـــدر يــزهـر
يـوســــفه هـالوجــه باچــر اشـوفـــه بـالـثــــره امعـفر
يســـح دمــك وعالارض جسمك وتـنـفـجـع امك والـدمـع هـالــي
أصــــل يـمـك ومهجتي اتضمك ومن أثر عزمك أحـرس عـيـالي
تــــودعـــــوني تـــــودعـــــوني
* * *
أودعـــك يــا عـلــي الأكـبر ودليلي لفرگـتـــك مـفـجوع
وأريـــد اگـصــد لـعد جاسم وافـجّــر بـالـدمــع يـنبـــوع
واگـلــه عرســـك امـبــارك علگــنــه للـزفـاف اشـموع
بــــس لا تــــغــدر الأيــــام وشمــوعك تصــير دمـــوع
تهــــل دمـعـه وبالخــيـم شـمعه وجهـك انـودعه وهالوجه غالي
الگـلـب يـنـعه والـنـعـي اتسمعه ابمهجه منفجعه أحـرس عيـالي
تــــودعـــــوني تـــــودعـــــوني
* * *
يجـــاســـم هــذا تـوديـعــك واروحــن للرضـيـع النـوب
وگـــابــل مهــــد عـبـــدالله وأحاچـيـه بگـلـب مصـيوب
واگـــــلـه عـمـــك العبــاس يطـفـي گـلـبـــك المـلـهـوب
بـــس لا تـنـذبـــح ضـامـي واشـوفـك بالدمـه مخضوب
أصـل مـهـدك وانـحـب لـفـگـدك لـو شـفت بعدك مهـــدك الخـالي
جـمـر چـبـدك يـنـطفـي ابلحدك ومهجتي اترصدك أحـرس عيالي
تــــودعـــــوني تـــــودعـــــوني
* * *
الشاعر الأديب الحاج جابر الكاظمي
الشاعر الأديب الحاج جابر الكاظمي
تعليق