قـبـر الـكـاظـم

[من نسل عبيدك احسبني ياحسين]

مـن إتـزور قـبـر الـكـاظـم...إنـشـد ويـن قـصر الظالم
يـا هو الشعت أنواره...يا هو الضاعت آثاره...إنشد وين قصر الظالم

لـمـن تـعـتـنـي للكاظم إتزوره...إقبالك تنرسم عن المجد صوره
دار أهل الشرف كل وكت معموره...وين الطاغيه و أزلامه و إقصوره
عـايـن زيـن و إخـذ الـعـبـره...لـلـمظلوم و إدرس صبره
هـارون الـظـلم وينه...خاسر دنيته و دينه...إنشد وين قصر الظالم

ويـنـه اللي يخاطب كل سحابه اتمر...تتمطر فوق ملكي وين ما تمطر
جـم فـرعـون قبله الجان متجبر...فك عينه الصبح لن ملكه متذمر
بـالـمـرصـاد رب الـقـدره...جـم طـاغـوت هـدم قصره
و الـمـا تـعصي باريها...هيبه و عزه ينطيها...إنشد وين قصر الظالم

بـالـسـيـف الـيظن الناس تتغير...هذا اكبر جهول و داعيه للشر
تـعال و شوف تقوت موسه بن جعفر...من عقر السجن بالوادم اشأثر
هـذا الـجـان زاهـد عـابـد...يـهـدي الـناس ذكره الخالد
كـاظـم غيظه بحسانه...و أصبح نوره عنوانه...إنشد وين قصر الظالم

ابـغير النزله الباري الذي يحكمون...خل يصير عبره إلهم حكم هارون
و القضه حياته امعذب و مسجون...اشحصل من كرامه خلهم يشوفون
كـل مـحـتـاج يـطـرق بـابـه...ابـسـاع ايـنال رد إجوابه
الـبـاب الكاظم إتعنه...ينطي اشما ردت منه...إنشد وين قصر الظالم

مـن هـذا الـشعور الصادق التعبير...صاحت شيعته يا زمرة التكفير
لـلـكـاظـم نقصده اشما يريد ايصير...نتحده ابعقيده قوة التفجير
جـيـنـه إنـصـيـح احـنـه إتباعه...عدنه الدين حب و طاعه
نـرفـض مـبـدأ الـذلـه...بالإيمان نتحله...إنشد وين قصر الظالم

مـن سـيـرة أهل بيت النبي إحنه...أخذنه ادروس عزه ابساعة المحنه
و جم ظالم الطاح و إحنه ما طحنه...مثل صيحة حسين ابكربله صحنه
لا هـيـهـات مـن ذلـتـنـه...مـوت انـريـد بـيـه عزتنه
وكـت الـشـده مـا نـدبـر...مـن أجـل الـشـرف نـصبر

بـاجـر نـلتقي اويه اعدانه بالمحشر...و يا عذر الينفعه القصده يتعذر
مـن يـم الـصـميده باجر المعبر...يطيح امن الصراط الما يحب حيدر
عـالـمـعـبـار نـلـقـه الـزهـره...و إحنه ابراس عالي إنعبره
حـامـي الـجار يروينه...كوثر صافي يسقينه...إنشد وين قصر الظالم
الشاعر السيد سعيد الصافي الرميثي

[زهراء الموسوي-]

بالتأكيد الخاسر الأكبر هو الظالم في كل زمان ومكان

خاسر الدنيا والآخره ....والخلود الأبــــــــــدي للحق

احسنتِ قصيده رائــــــــــــــعه

[من نسل عبيدك احسبني ياحسين]

وفقك الباري

[الأزري]

أحسنت الاختيار لك خاص الدعاء أختنا من نسل عبيدك ياحسين

[فلاح]

احسنتِ قصيده رائــــــــــــــعه

[من نسل عبيدك احسبني ياحسين]

شكرا مولانا الأزري

[من نسل عبيدك احسبني ياحسين]

شكرا مولانا فلاح