قصيدة / دمعي يجري وْ للحسين اتوجهت

[الشاعر سعيد الفتلاوي]

قصيدة / دمعي يجري وْ للحسين اتوجهت
....................................
.......................


هاي صوره مْن الحقيقه وْمو خيال
من زرت راعي الوفه وْ خير الرجال

اقصد العباس سبع الگنطره
الحسره بيّه وْنار گلبه مْوجره

وْ ردت ابرّد نار گلبي واستحيت
بيدي كوب الماي من دمعي ارتويت

شلون اشرب ماي بارد وارتوي
رجفت اعصابي وْ صرت ارجف قوي

مْن ايدي طاح الماي عالگاع انچفه
دْموعي نزلت والعطش منّي اختفه

وْفكري راح وْيالعطاشه اللي انولت
من بعد ما ذبحو حسين انسبت

وْچني اشوف اطفال مفجوعه وْتنوح
الصوره جدامي اشاهد وابوضوح

حال زينب والخيم مشتعله نار
هالجريمه المنكره الما منها صار

دمعي يجري وْللحسين اتوجهت
واعله باب العتبه يم گبره اهتفت

يالفديت الدين يالمالك مثيل
غالي والله شْما نقدّملك قليل


.......................................
.......................................

خادم اهل البيت ( ع )
الشاعر الحسيني
سعيد الفتلاوي الطويرجاوي

[من نسل عبيدك احسبني ياحسين]

حفظكم الباري شاعرنا

[نور الساقي]

بسم الله الرحمن الرحيم
اللهم صل على محمد وآل محمد

جزاكم الله أفضل الجزاء على القصائد الولائيه
أسأل الله ان جعلها ذخراً لكم يوم لا ينفع مال ولا بنون

اللهـــــم آميـــــن

[الشاعر سعيد الفتلاوي]

وفقكم الله وحماكم من كل مكروه

[من نسل عبيدك احسبني ياحسين]

أجرك الباري

[أنصار المذبوح]

اللهم صل على محمد وآل محمد
بارك الله فيك اخينا الفاضل وعطر الله انفاسك

[الشاعر سعيد الفتلاوي]

الله يبارك بيك اختي الفاضله

[بيرق]

احسنت سلمت اناملك اخي سعيد الفتﻻوي التي سطرت هذه اﻻبيات الجميله بارك الله فيك

[الشاعر سعيد الفتلاوي]

الله يبارك بيك شكراجزيلا