هذا الغريب منين .. وين أهله راحوا وين مات بسجن مظلوم .. و بيا ذنب مسموم

[أنصار المذبوح]

هذا الغريب منين .. وين أهله راحوا وين

مات بسجن مظلوم .. و بيا ذنب مسموم

عادة الميت يا شيعة لمن يسكن ونينه ..

تحضر أولاده و أخوته عن يساره و عن يمينه ..

هذا الي يوسده و يجبله و ذاك اليغمض له عينه ..

احنا ما شاهدنا ميت بالحديد امـگـيدينه ..

من شدة التـگـييد .. ينزف دما من الـگـيد

باقي الأثر لليوم ..و بيا ذنب مسموم

***

هذا الغريب منين .. وين أهله راحوا وين

مات بسجن مظلوم .. و بيا ذنب مسموم

موسى بن جعفر تميز كاظم الغيض بصفاته ..

و لا سجون الطاغي ساعة بدلت سيرة حياته ..

دمعته و لهجة دعائه و بـگـللب خاشع صلاته ..

للفرج يحسب ليالي و بالفرج يدري مماته ..

طامورة الأشرار .. ظلمتها ليل نهار

من الشمس محروم ..و بيا ذنب مسموم

***

هذا الغريب منين .. وين أهله راحوا وين

مات بسجن مظلوم .. و بيا ذنب مسموم

مرت أعوام على سجنه و للفرج معقوده ظنه ..

شيعته المنتظره تنشد ياهو اليخبرها عنه ..

ساعة السمعت إجاها طارش يبشرها منه ..

الموعد الجمعة يـگـلها بشوفة الوالي نتهنه ..

يا شيعة و الميعاد .. گـلهم جسر بغداد

نستقبل المظلوم ..و بيا ذنب مسموم

***

هذا الغريب منين .. وين أهله راحوا وين

مات بسجن مظلوم .. و بيا ذنب مسموم

طلعت الشيعه تشوفه موسى بن جعفر أملها ..

من بعد غيبه طويله بالسلامة يرجع لها ..

و عاين و لاحت جنازة أربعه تولوا حملها ..

سمعوا بناعي المنية ينعى و دموعه يهلها ..

صاحوا يَناعي شصار .. و شعندك من أخبار

تنعي بحزن و تحوم ..و بيا ذنب مسموم

***

هذا الغريب منين .. وين أهله راحوا وين

مات بسجن مظلوم .. و بيا ذنب مسموم

عالجسر نادى المنادي هذا إمام الرافضيه ..

الطيب ابن الطيب أصله من صلب حامي الحميه ..

من رحم بضعة محمد فاطمة الزهراء الزچـيه ..

چـانت أطباعه السماحه و الحلم عنده سجيه ..

ليش بسجن هارون .. گـضى العمر مسجون
بلوعه و چـبد مألوم ..و بيا ذنب مسموم

***

هذا الغريب منين .. وين أهله راحوا وين

مات بسجن مظلوم .. و بيا ذنب مسموم

ساعة الشخص طبيبه سم غدر و بـچـبده صابه ..

يا خلـگ أردن أناشد اخوه ما عنده و گـرابه ..

يَلي تسأل هذا أهله بالمدينة للنجابه ..

خيرة الله على البريه نزل عليهم كتابه ..

من أطهر الأصلاب .. من أشرف الأنساب

تقوى و فخر و علوم ..و بيا ذنب مسموم

***

هذا الغريب منين .. وين أهله راحوا وين

مات بسجن مظلوم .. و بيا ذنب مسموم

ياللي تسأل شنهي ذنبه الكاظم بسجن الخليفه ..

البايعوا جده الصميده بيعه سودا مو نظيفه ..

للظلم وضعوا أساسه من عهد يوم السقيفه ..

فاطمة كسروا ضلعها و بضعة الهادي الشريفه ..

[نور الساقي]

بسم الله الرحمن الرحيم
اللهم صل على وآل محمد

بارك الله فيك وجعلها في ميزان حسناتكِ

[ابو مصطفی]

يتلكاكم يتلكاكم موسى الكاظم يتلكاكم
ـــــــــــــــــــــ
لا تخشه الناصب وارهابــــــــــه
اكصد يم موسى ودك بابــــــــــه
ميرد الكاظم احبابــــــــــــــــــــ ـــه
يفرح مهدينه بممشـــــــــــــــــــاك م
ـــــــــــــــــــــــ
خل يسمع كلــــــــــــــــمن عادانه
نقسم مانترك ممـــــــــــــــــــشانه
لجل العتره انضــــــــــــحي ادمانه
ياشيعه الكاظــــــــــــــم ناداكــــــــــــــم
ـــــــــــــــــــــــ
فنه الناصـــب لو يتعـــــــــــــــــــــد ه
بالهـــــــــــــــــــــ ـــمه وبالزود انرده
اطلــــــــــــــــــــــ ع يازايــــــر واتحده
والمهـــــــــــــــــــد ي حاضر وياكـــــــــم
ـــــــــــــــــــــــــ
غيرتنــــــــــه مـــــــن دم مرسومـــــــه
كل واحــــــــــــــــــــــ ـــــــد ندريه بيومه
لو كل ادروبك ملغومــــــــــــــــــــ ـــــــــه
نمشي اعليهه ونتعناكــــــــــــــــــ ـــــــــــم
ـــــــــــــــــــــــــ ــــــ
عن مكصــــــــــــــدنه ماردينـــــــــــــــه
والناصب فنّــــــــــــه ايلاكينــــــــــــــــه
غيـــــــــــــرة عباس اطك بينــــــــــــــــه
وباسم حسين ايرف الواكــــــــــــــــــــ ــم
ـــــــــــــــــــــ
لو مية مره ايفجرونــــــــــــــــــ ــــــــــــه
عن دربك لا ميمنعونــــــــــــــــــ ــــــــــــه
شيعه وبالــــــــــــــــزود يعرفونــــــــــــــه
اتعنينه اليـــــــــــــــــــوم الملكاكـــــــــــــــــم
ـــــــــــــــــــــــــ ـ
اتحزمنه بغيره وهمــــــــــــــــــتنه
لن صوت اينادي بوحدتنـــــــــــــــه
حان الموعد ياشيعــــــــــــــــــــ ــتنه
يم جسر اليمه امواعــــــــــــــــــــ ــدكم

منقول

[~ أين صاحب يوم الفتح ~]

[نور العترة]

عظم الله اجورنا و اجوركم
احسنتم النشر

[زهراء الموسوي-]

أحسنتِ ..وعظم الله لكِ الأجر بهذه الذكرى الأليمه
ذكرى إستشهاد مولانا الإمام موسى بن جعفر باب الحوائج
وفقكِ الله وقضى حوائجكِ ببركة صاحب الذكرى

[مصطفى علي غانم الكرعاوي]

قصيدة رائعة جدا
موفقين ان شاء الله

[ندى الورد]

عظم الله اجورنا و اجوركم
احسنتم النشر