تويت
(( علـى جسْـر الألـم بيـن الأمــل و الياس ))
(( اوگفت بعيوني دمعه او بيدي شدّة ياس ))
-------
من وجه الفجر متعـنّـي عالميعاد
(( اوگفت بعيوني دمعه او بيدي شدّة ياس ))
-------
من وجه الفجر متعـنّـي عالميعاد
او گبْـل اعيوني روحي إلشوفتـك تسعى
گلتلي الجُمعه موْعدنا ابجسر بغداد
ما گتلي تموت ابـ[موْعد الجُمعه] !
گتلي الفـرج هاليـوم .. يـا سيّـدي او لـتلـوم
ما گتلي مقــرون الفَـرج ويْ چبدك المسموم
خابـت مــواعيدي .. او جـف دمِّي بـوْريدي
او تاليها نِزْلت دمْـعِـتي او مات الورد بيدي !
(( او لأن طبْع الورد ينقـل مدى الإحساس ))
(( اوگفت بعيوني دمعه او بيدي شدّة ياس ))
---------
يا هبِّ النسيم الما يِعَرْف الموت
او يا شمْـس الأصيـل الما غِشاها الليل
عجيبه تِغْـمَـضِ اعيون الهَوَه ابتابوت
او عجيبه انشاهد ابإيد الشمِس زنجيل
اشنحچي بعد وانگول ؟ .. و اليجري مو معقول
اشلون اعله أچتاف البشر نعش الجبل محمول ؟
يا راهـب أهل البيت .. وســط النعش يا ريت
آنه اللـي لفّـوني ابچفــن و ابــدالك اتـواريت
(( او لأني مـا گِـدَرْت أوهـبـلك الأنفــاس ))
(( اوگفت بعيوني دمعه او بيدي شدّة ياس ))
------
على امصابك بچت دجله و دمعها الماي
او على خد الرصافه انرسمت العَبره
او نِزَف دمّ السلاسل و الجرِح هَـمَّـاي
او إلك جسْر الأيمّـه منكسر ظهره
او دمْــع السـجـــن مِــدرار .. يمْـيَــتْـمِ لـسْـــتغفار
او يا صاحب السجــده الطــويله ابظـُـلمة الأسحار
او لوح السمه المحفوظ .. اعليه الحزن مفروض
او دمْــع القلم يجــري لأن سـاق العرش مرضوض !
(( و أنـا مثـل اليـتـيــم الفاگــد أغلا الناس ))
(( اوگفت بعيوني دمعه او بيدي شدّة ياس ))
الشاعر عادل اشكناني
تعليق