( مولود من يگول )
*--------------*
من يگول حسين مو محبوبنـــــه ** من يگول حسين مو بگلوبنه
منو غيره بعد نور هـــــل الدرب ** منو غيره بعد يستاهــل نحب
اذن الجنه تســـــــــد بيبانها
وزادت النار ابلهب نيرانها
-----------------------------
بأسمه ونبينه بشّــــرت ** كل رسالات الوجود
آخره ودنيـــــــــه زهت ** بالموده و الخــــــلود
عله ساق العرش اسمه حروف نـــور
وبمحبته اجمل احساس وشــــــــــعور
**وانته ياشامت يحاسد ابتعد
**عليك تتحرم الجنه من بعـد
ابعيد عن العتره كلمن خانهـــا
وزادت النــــار ابلهب نيرانها
---------------------------
للدين ابواليمــــــه نطه **روح او جسد برهانه
شامخ ابنوره من خطه **عهده وفه ماخانــــــه
من انولد بي فرحت املاك السمه
صار راعي الموزمه والغانمــــه
** تحت گبته مايرد سائل سئل**
** وزايره ماخيَبه اطاه الامــل**
والنواصب عايشه بحزانها
وزادت النار ابلهب نيرانها
----------------------------
ياشيعي افـــرح ابتهج ** يومك احلــــه الايام
خلي اهازيجك تـــرج **وتصحي بيهه النيّــام
اليوم فطرس نـــزل وراد الفرج
شبك مهد حسين بجناحه وعرج
**طار فرحان من اخذ لبشاره **
** جان هذاالملك ماله جــــاره**
والمعاجز من قصد نسيانها
زادت النارابلهب نيرانهــــا
---------------------------
ضحه واطه گلب صافي **والشمس اتشــــع ألـــه
جاه ماراد ولكرســــــــي**ابفخره حق هل المنزله
فسّر القران بالصبر وضمـــه
ورايته تعله وترف سابع سمه
**وحنه وي حسين حب وعاطفه**
**يشفع النه وتربته منهه الشفه**
العافت حسين الخلل بأيمانها
زادت النار ابلهب نيرانهـــا -------
تعليق