صَدِّگ إبْگلبِي إلك

[الحاج انور ناده علي]

بسم الله الرحمن الرحيم
اللهمّ صلِّ على محمدٍ وآلِ محمد وعجّل فرجهم

صَدِّگ إبْگلبِي إلك
صدِّگ إبْگـلـبِـي إلك صُورَة حِـزِن
مِن إلــــه العـزّه تِــتــلألأ حِـسِـــن
***
صُورِتَك بگـلَيـبـي مَطبُوعَه طَـبُع
لا هَلي ايشوفـوهـا لاخِلّـه إو رَبُع
وِبْشَـغَـف حَاضِنهَـه گـابُعـهـه گَـبُع
لِلدِمه إتضُخهه إو عَلَه حالي تِحِن
***
ساريه هل صوره بِـدمـايـه سَري
والوفه ابطبعي لا بِيْعَه إولاشتري
وِنذَرِت دمي الأجلها إو مـنـحـري
وانـت دمـك إب بَـدَل دمـعـك يـإن
***
وِلسَـمَـارَك ظِل جـفـونـي لك يِظِل
او عـيوني بالدمع تسگي إو تِهل
ولعـيونك عـيـني غـصباً تـمـتـثـل
يللي اغـلـى مِـنهــا انت والجِـفِـن
***
الـمـلامِـح حـافِـره روحـي حَـفُــر
لا تِـظِـن لحظـه تِـمُـر إو ما تِـمُـر
ياعزيزي مهـجـتي إملـبـيه الأمر
والرحى بـيـدك قُـطـبهــا والطِحِن
***
إبعطورك مِنتشِي اومالي الصدر
والصَدر بِي صُورتك نُور إبخِـدِر
آني مجنون إوْلِي عاده هِيْ مِنتِظِر
ما يغيِّر لي الچِفَن طبعي إن إجِن
***
صُورِتَك بگليبي تِـنْبُض لل صُبُح
زايحَه إغيوم إوشمس فجري تُصُح
ولـيعـادي طلـعِـتَـك مات إب قُـبُح
يا حَـمـيـد الغُـرّه يل رُشْدَك حِسِن
***
قَـرَّة إعيون إلحِظِه إبـشُوفك نِعَـم
ما تضاهِـيهـــه نِـعَــم كِل إلِـنَـعَـم
ولغِـيَـابَـك يبـچي وسـفه إي نَـعَـم
إل حِـمَـلّك بِـالگـلب صورة حِـزن
***
صدِّگ إبگـلبـي إلك صورة حِـزن
مِن إلــــه العـزه تِــتــلألأ حِـسِــن
الحاج أنور الكاظمي

[ابو مصطفی]

احسنتم مش?ور ماجور علی هذا الولاء و الحب

[الأزري]

كتبكم الله من أنصاره وشرفكم برؤيته بمحمد وال محمد