تويت
((وضحت الصوره))
**********
وضحت الصور ويبس ورك الشجر// الوطن والناس كل لحظه بخطر
كافي نلبس اقنعه أنجمل الوجوه // عله جتاف الخلك شو كلشي عُبــــر
اليوم سهم الموت ماعنده مجال // لحظه مافكَّر بأهلي من ظفـــــــــــر
وأني عندي الناس كلهه بلا فرق// وكَاعي خضره والملل بيهه نهــــر
الدهر مض بينه لوعات ومرار// شمالنه من الماضي ماناخذ عبـــــر
حلم نرسم عالأفق فوق الغيوم // وننتظر كــــل يوم رخّات المطـــــــــر
أبقه أحضنهم لخوتي بأشتياق // آنـــي قومتي عراقي بكل فخــــــــــر
نريد وحدة صف تعاين عالغريب // خاصه لوجاينـــــــــه وبيده حجر
اليبيع اهله أله ليظن ربح // اليربح بظيم أخوته يعني خســـــــــــــــر
حلوه لمَّة هلي وأحله من العسل // واحد الواحد كسر عظمه جبــــــر
العراقي عاش دومه المستحيل // همومه يطويهه ويجيبلنه الظَفـــــــر
اليوم جيش الوطن محتاج الرجال // يصنع رجاله اذا خانه الدهـــــر
باجر الالوان تزهي بالسماء // والشمس والكمر تعلن انتصـــــــــــر
الزلم عدنه طوّعت آيات المحال // وجفَّهه يتحكّــــــــــــم بآيات القدر
تعليق