يمتـــــــــــــة الفــــــــــرج يالمهـــــــــــــدي

[أنصار المذبوح]

حادينه بسمك يحدي
يمته الفرج يالمهدي

سار وكطع حادينه
ونتأمّلك ظلّينه

طال المغيب اعلينه
ودنيانه دارت بينه

واشمحله يا مهدينه
لو بدرك ايوافينه

واشكد صبر عدّينه
تدري الصبر ياذينه

نحمل صبر وانعدّي
يمته الفرج يالمهدي


انته الشهاب الثاقب
وانته الحبيب الغايب

كلبي ابودادك ذايب
وطبع المحب ايعاتب

جور الوكت متعاقب
وللطلعه عيني اتراقب

وينك يصفوة غالب
ما عدنه غيرك صاحب

جرح الكلب ظلّ يدّي
يمته الفرج يالمهدي

حادينه طوّح ظعنه
نص الدرب وارجعنه

ضيّع طريقه وضعنه
وبسمك صحيفه ارفعنه

تحمل الك هالمعنه
يمته الوكت يجمعنه

ونحجيلك وتسمعنه
وانكلك اتلوّعنه

وتدري العتب ما يجدي
يمته الفرج يالمهدي

وحين الدهر آذانه
اصعدنه ابسفن دنيانه

كلنه البحر يرعانه
ونوصل إلك مولانه

والعاصف اتولانه
لن بالعكس ممشانه

لجرف الهضم ودّانه
ابحلك الخصم خلانه

اولا رجوه منّك تبدي
يمته الفرج يالمهدي

نام الزمان ابسدنه
وكوطر وكت موعدنه

رجوة فرج ما تدنه
وعالمامش اتعوّدنه

يالشوفتك تسعدنه
غيرك بعد ما عدنه

بس يومك الينجدنه
واعله الدرب يرشدنه

ما مش سحاب ايندي
يمته الفرج يالمهدي

يمته الفرج يالمهدي

[زهراء الموسوي-]

اللهم صلِ على محمد وآلِ محمد وعجل فرجهم..

"اللهم عجل لوليك الفرج "

بارك الله فيكِ أختي أنصار المذبوح وجعلكِ من أنصار القائم الموعود(عج)..

[الأزري]

يمته الفرج يالمهدي
بارك الله بصوتك انصار المذبوح

[أنصار المذبوح]

جزاك الله خير عزيزتي زهراء الموسوي وشكرا على المرور

[أنصار المذبوح]

بارك الله فيك أخي الارزي وجعلك من أنصار الحجة المنتظر