اللهم أنصر الجيش العراقي الاغر

[خالد محمد مهدي الحجار]

((اللهم انصر الجيش العراقي))
********************
باجــر وين يوصل داعش بجنده // وعود أنكَوم نســـــــأل داعش شعنده
من العين الرماد أنمسح شفناهه // خلص تعوي الكلاب وجيشنه بوحده
والاجـــرام يســـرح يمرح بكَاعي // وماكو عين حمره أتوكفَّـــــــه بحدَّه
أجتنه جيوش ماتعرف شنو الاخلآٌق// أم وأب ميعرف عنـــــده ماعنــــده
كَلي ياسياسي ألّي تنفعه هاي // وأذا مالاحــــه حتمـــــا صعَّره الخدَّه
مايسلم شريف العنده غير اليوم // ولاتَّحــه الجبـــان الشـــــابك مخدَّه
كواسر عله الناس أتحوم تنهشهه // وبعد ماظــــــل مكان الخايف أنلبده
شكت لنبار للبصره أشجره عليهه // وبالفلوجــه جــرح جبيــر شيضمده
وصوت الموصل أيحشم بأهل أربيل// ياأهــــل الوطــن ياعُربــــــه ياكرده
وحوش الماتراعي لاعرض لادين // قســـم تتعشه بينه وقســــم تتغدَّه
سمعهه الصرخه أبن حسين والعباس // لكن للأسف كلهه أوكفت ضذه
خلَّه روس داعش بالجدم تنداس // وبدروب أنتصاراتــــــــــــــه زرع ورده
أبن حرَّه وخدرهه من الهوه محروس// ولو حسَّت بخوف تلـوذ يم سِــدَّه
أمّن ياعـــراق بولــد ملحاتــــــــك // ماتكَدر علينــــــه ذيابــــــــة الرِدَّه

[رحيق الزكية]

اللهم أكشف هذهِ الغمة عن هذهِ الامة بظهور الحجة المهدي المنتظر

وانصر الجيش العراقي على هؤلاء الهمج الذي ينتهجون قوانين الغاب الملقبون بداعش

طيب الله انفاسكم شاعرنا المتألق

[نور الساقي]

بسم الله الرحمن الرحيم
اللهم صل على محمد وآل محمد

بارك الله فيك وطيب انفاسك

الارض تنتظر انبثاقك سيدي
فلقد تمادى الكفر في الطغيان
حلت بجميع المؤمنين مصائب كبرى ينوء بحملها الثقلان

اللهم عجل لوليك الفرج

[سجاد القزويني]

اللهم اكشف هذه الغمة عن هذه الامة واحسنت طيب الله انفاسك

[خالد محمد مهدي الحجار]

ملعون الارهاب واعوانه وحواضنه
ارهاب السقيفه عاد للوطن
كما كان في كربلاء الاباء
**
بِدوهه ويانه ماتنتهي رادوهه
وفتيل أحقادهم جدحوا شرارتهه
مايدرون صيحة ياعلي أتفزز
حتَّه من الگبر يطلع الصيحتهه