إعـــــــلان

تقليص
لا يوجد إعلان حتى الآن.

أبوذيات وهوسات بمناسبة ميلاد الإمام المهدي (عج)

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أبوذيات وهوسات بمناسبة ميلاد الإمام المهدي (عج)

    أبوذيات وهوسات بمناسبة ميلاد الإمام المهدي (عج)

    شعر : مسلم الطعان


    الإهداء:الى سيدي ومولاي الإمام المهدي القائم
    الحجة المنتظر عجّل الله فرجه بمناسبة عيد ميلاده الشريف

    الجفاكم يا عذر عنده و حجه
    حبكم بيت أطوفنّه و حجه
    محمد قائم إو مهدي و حجه
    اسمك بالضمير إيفيض ضيه

    يمن جدك إلي منقذ و مهدي
    أحبكم من زغر سني و مهدي
    إمامي المنتظر إنته و مهدي
    دخيلك آنه أول وآخريه

    تره إحنا إخلافكم ضعنه وتهنه
    الروح إبنوركم تفرح و تهنه
    تحيه من الضمير إلكم و تهنه
    نزفها من القلب صبح و مسيه

    عمود إمثبت المايل ومعدل
    حكمك بالوزن وافي و معدل
    وحق من خالق و ماخذ ومعدل
    نريد الفزعه يا حامي الحميه

    صلاة الله على أحمد صلاة الله على المبعوث
    الوارث كرّمه بأسرار إلها وارث إو موروث
    إبيوم الدين حامينا المنقذ من نصيح الغوث
    ها....ومن غيرك يفزع يلهادي

    محمد جدك وإسمك محمد وإنته من نوره
    غصن من شجرة الأطهار فاح إبطيبة إعطوره
    إبميلادك يا قائمنا إقلوب الشيعه مسروره
    ها.....عيد إو نفرح بيه ميلاد المهدي

    ياإبن خير النطق بالظاد وقرا القرآن بالفصحى
    مو بس شيعتك مولاي كل الكون بيه فرحه
    السما والأرض محتفلات حتى الليل ويْ صبحه
    ها.....إبميلاده مبتشره الدنيا

    يستاهل يستاهل محمد نحتفل ويّاه
    نبينا إو شرّفه الباري مكانه وجاه
    ما غيره شفيع إهناك من ننخاه
    ها.....هوّه اليشفع بالميعاد
    إو بيده إيفيض الكوثر

    يستاهل محمد لجله مجتمعين
    تجمعنا المحبه إو كلنا فرحانين
    نريد الفزعه منهم والله يوم الدين
    ها.....إيحضرونه لو ضاقت بينه

    من هذا المكان إنريد إلزياره
    إلنبينا الأعظم وحضرته وأنواره
    نريد من أبو الزهره إنحصل إبشاره
    ها...وبإيمينه لو أشّر نعبر

    من هذا المكان إنريد إلزياره
    إلأبو الحسنين حيدر صاحب الشاره
    نريد القلم يكتبنا من زواره
    ها...ما ظن غادي إيخيبْ
    الزاير حيدر

    من سدني نريد إلكربلا نوصلْ
    إنزورك يا حسين إو نحضر المحفلْ
    نصلي إبحضرة العباس نتوسلْ
    ها...إبداعة حامل ذيج الرايه
    إنريدك تشفع يوم الدين

  • #2
    أحسنتِ شعر جمـــــــــــــيل جداً...

    بارك الله فيكِ ..وكل عام وأنتِ بخـــــــــير

    بولادة ختام الأوصياء مولانا المهدي الموعود(عج)
    sigpic

    تعليق


    • #3
      أحسنت يازهور الجنة

      تعليق


      • #4
        اللهم عجل لوليك الفرج
        السَـلامُ عَـلَـيـكَ يـا قَـمَـر الـعَـشِـيِـرة





        sigpic

        تعليق

        المحتوى السابق تم حفظه تلقائيا. استعادة أو إلغاء.
        حفظ-تلقائي
        Smile :) Embarrassment :o Big Grin :D Wink ;) Stick Out Tongue :p Mad :mad: Confused :confused: Frown :( Roll Eyes (Sarcastic) :rolleyes: Cool :cool: EEK! :eek:
        x
        إدراج: مصغرة صغير متوسط كبير الحجم الكامل إزالة  
        x
        يعمل...
        X