(( أحبــــــــــــــك))
**----------------***
احبك مهما لاموني // احبك ياضوه عيوني
احبك يا أمل روحي // احبك بلسم جروحي
****************
عليل وعشت بأيامي العليلـــــــه
وكلبي أيدور بظلمه دليلـــــــــه
السراب أتصوّره صوره جميله
عاشك والعشَك يطول ليلـــــــه
اريدك تاخذ بأيدي // أريدك تطفــــي تنهيدي
أريدك نور أيامي // أريدك صحوة أحلامي
**************
بشــــوك مفارك بلاعتب تانيت
الك أحله حروف العشك خطّيت
كتبتهــــا دمعاتـــي وألك وديت
وقعتها آهاتــــــــي ويامه حنيت
وينك ياشمس فجري // وينك رايتي وذخري
وينك يا أمان الروح // وينك للدمع والنــوح
**************
حلم بطيوفي مر صورته بعيني
اسم المهدي نورها السنينــــــي
فجرك ناطره يمته يجينيــــــــي
على برَّك أتأمّل ترّسينــــــــــي
يمك اطلب شما ريد // يمك أمشي أيد بأيد
يمك اعبر المحنه // يمك أدخل الجنّه
*******************
اللآيم ينظــــــر عيوني وفرحها
يموت بغيضه لو شافت صبحها
بظهري خنجره الروحي ذبحها
قضيتي وياه مايخلص شرحهـا
حبيبك يرضه مايقبل // حبيبك آنـــي أتحمّل
حبيبك أرفض الذلَّه // حبيبك أنته ألي قبله
*****************
اعلن عالخلك حبي أو ولائــي
بآيات الرجاء أرفع دعائـــــي
باجر تنشف الدمعه رجائـــــي
أتنوّر بيك كل أرضي وسمائي
يومك اجمل الايـــــام // يومك واقع الاحلام
يومك ضحكت الدمعه // يومك فرحة البضعه
----------------------------------------------------
تعليق