نشيد ثوري ((أبن العراق))

[خالد محمد مهدي الحجار]

(( أبن العراق))
طاهره بطن النكَلته
من ثدي النيبه غّذته
حكهه تتباهه الجابته
غيره وشهامه علمته
بيمناه تأذّن للوطن // بيسراه تكبَّرعالمحن
********
أنته الفخر // جيب الظفر // أصعد عله الصعبه وفوت
زودك وفه // كلّك كفه // لوحكَّك بحلكَ الحوت
ثابت بخطواتك عزم
ياهيبه مابين الزلم
الرشاش هلهل والنعم
داعش وكل خاين قزم
دخان بارودك يشم
طاهره بطن النكَلته
**********
ملح الارض // يفرض فرض // توفي أله بكل ساعه
يطلع فجر // من تنتصر // دوس اعله راس الباعه
ولجدمك أطوي للدرب
أكصد على سوح الحرب
وبصولة الخيّاله طب
وأكَطع اياديهه الغرب
مجرَّب تلآوي للصعب
طاهره بطن النكَلته
************
ها ياترف // رايه ترف // للنصر جيبه بيمناك
صكر السمه // للحالمه // أستر خدرهه بلواك
عالغِدر خلَّي صولتك
والنجم ساري رايتك
فنَّه التدنّه العتبتك
للوطن تفدي مهجتك
بالذهب نكتب سيرتك
طاهره بطن النكَلته
***********
جيب الفرح // للّي أنجرح // نشوف الحلم بعيونك
أزرع ورد // وانته الورد // غطّينه بين جفونك
وفّيته للزاد وملح
من الظلمه جيب ألنه الصبح
نصرك يداوي للجرح
غير الصحيحه ماتصح
للنذل لاتقبل صلح
طاهره بطن النكَلته
***********
كلّك قيم // أسمك علم // دجله وفرات مروِّيك
راوي الزمن // ياهو انته من // عراقي الزمن يفخر بيك
لاداعش ولاأموي
أتلآويك لاما تنلوي
وبنار حدَّك تنجوي
أنته الاعز أنته القوي
أطويهم بجَّفك طوي
طاهره بطن النكَلته

************

[نور الساقي]

بسم الله الرحمن الرحيم
وصلى الله على محمد وآله الطاهرين

أحسنتم وفقكم الله بحق محمد وآله الطاهرين

[خالد محمد مهدي الحجار]

سررت بمروركم وفيضكم العذب
لاتنسونا بالدعاء
شكرا// ممنون