تويت
(( جيش الله ))
إِحنه جيش الله الأبـــــــــــــد ماينهزم
وحنه ســـــيف اليگطع إِخشوه الزلم
وحنه تاج إِعله الرؤوس إِبكل زمان
خلّي يســـــمعنه الخسيس اوكل قزم
من فته ســـــــــيد علي بفتوه الجهاد
والمراجع وگفت اويـــــــــــاه إِبعزم
نادوا إِبصوت الفخــــــر يهل العراق
حيهم الله اليـــــــــــــــوم دگّوا للجدم
احموا حــــــدكم من دنس هالأدعياء
اوخلوا عالســــــــــاتر هممكم تحتدم
يالتربيتوا إِبحضــــــن ذاك المُضيف
اوشيمت الكــــــــــــرار بيكم تنرسم
اليــوم يوم الملحمه ويــــــوم النزال
إِنريد كل رايه نســــــــــــجلها بأسم
ويـن ولد المـــارضوا بالـــــذلّه دوم
كون كل حـــــــــــاقد تفركُله الخشم
هاي ساعات الحســــاب وي الطُغاة
كل صوامعهم اهــــــــــــدموها هدم
خلوا نار النـــــــــايبه إِبكلب الدخيل
وبســــــــــــهمكُم خلوا چبده ينجسم
علّوا رايات المجد فوگ البــــــــلاد
يلّي بيــــــــــــكم كل معارك تنحسم
الخانكم واجب تخـــــــــلونه إِبعذاب
ماينام الليـــــــــــــــــل ويفز بالحلم
خيلكم خلوها تكشـــــف كل ضباب
وبســـــــــــــواعدكم إِردموهم ردم
هبّوا إِبـزود اوفخـــر اهل الجنوب
ولد ابو السجاد شــــــــدّوها الحزم
والله ليخـــــــــلون داعش تستغيث
اوماتفكر بعد بينــــــــــــه تصطدم
************
بقلم / سعد مطلوب الخفاجي
تعليق