((يزينب لو يمر أسمج))
-----------------------
يزينب لو يمر اسمݘ**وحدها الدموع تسيل
يمهظومه **يمالومه
*************
جدّݘ النبي لومــــــــر**يدگ بيمينـــه باب الدار
ويردد آية التطهيـــــر **غاية اقرأ من الغـــــار
لكن مارعوا حرمــــه **عله الدار اعتدوا بالنار
الزهره زهرة الكونين **ضلعها أنصاب بالسمار
راحت منݘ البضعـــــه
وضاگت يومها الوسعه
يمحرومه ** يمالومه **عذابݘ دربه صار طويل
****************
صرتي للحزن ديوان **سطوره بظيم ممليّه
دموع الليل نجماتـــــه**ينوح عليݘ ليليــــــه
عبره بگلب لموالــــي **تصب دمعاته يوميه
عزيزه بالخدر ݘنتــي **بهظم اخذوݘ مسبيّه
لاوليان لاخـــــــــــــوان
عله گلبݘ زادت الاحزان
يمعصومه** يمالومه
*************
معذوره يمولاتـــــــي **دمعݘ من يصّب عالخد
بيا قوّه تصبري الروح**وخوݘ اگبالـــــݘ أمدد
يظل مُر الحزن للشيب **ونار احشاݘ تتــــوقد
الله يعينݘ اعله الحـــــال**بألم كل لحظه يتجدد
صبرتي اليومݘ الموعود
ياغايب عليݘ يعـــــــــود
يمهمومه** يمالومه
***********
من زغر العمر ويّاݘ **بده الهم وبده حزنـݘ
سنينــــه أتفصّلت آلام**وثياب الحزن دمعݘ
السلوه الݘ والـــــــون **حگݘ من بقــــه يمݘ
تاليها اراضي الشـــام **لاوالي اليرد عنّــــݘ
ياهم گلبݘ أتحمــــــل
وصبرݘ للحزن منذل
يمظلومه** يمالومه
************
ينور العين لاماضاع ** لاخر يــــــــــوم دم حسين
ولاگطرة دمع منّـــــݘ** يجي يوم ونوفّي الديــــــن
وناخذ ثار ضلع النـور**وثار الوصي ابـو الحسنين
وثار المنطعن ݘبـــده ** وثار الضحّه بالݘفيــــــــن
گرب يومه ** يمالومه
************
تعليق