تويت
نواعي لمصاب امير المؤمنين ( ع )
..................................
.........................
مْصابك ابد ما ينّسي حامي الحميه
..................................
.........................
مْصابك ابد ما ينّسي حامي الحميه
وشما تسوي اهل الفتن والناصبيه
الحزن بمجالسنه ابتده من هالعشيه
ويّانه يا مولاي حزنانه البريه
ويّانه يا مولاي حزنانه البريه
..............
لجلك يبو الحسنين تنعه الجعفريه
مفجوعه تبچي ادموم من هاي الرزيه
او نصبت مجالس للعزه صبح او مسيه
تعزي النبي المختار وتعزي الزچيه
...............
والي اليتامه المرتضى عدوانه صابوه
بْمحرابه ابو الحسنين واعله الهامه ضربوه
ينزف دمه من هامته بْمحرابه خلّوه
فرض الصلاة الما كمل يا حيف غدروه
..............
مفجوعه شيعة حيدره وْ تنعه الوليها
تبچي وْتنوح اعله الوصي وارث نبيها
دنياها كلها والفلك ينعه النعيها
تْقيم العزه وْ تندب علي رغم اللي بيها
...............
...............
الشيعه تعزي اليوم بمصابك يبو حسين
ليث الليوث اليوم تنعاك الموالين
ليلة گدر والناس تتباچه على الزين
والي اليتامه ليش غدروه الملاعين
...............
ياهو اليوصف الحال ياهو اللي يگدره
صوابك يبو الحسنين يبچي اللي يذكره
ساجد امامي وْحيف هالظالم يغدره
لا واحد وْ ماحود واگفله وْ يِنطره
......................................
...........................
خادم اهل البيت ( ع )
الشاعر الحسيني
سعيد الفتلاوي الطويرجاوي
......................................
...........................
خادم اهل البيت ( ع )
الشاعر الحسيني
سعيد الفتلاوي الطويرجاوي
تعليق