الشاعر الحسيني ( فلاح البارودي ) كربله

[علي حسين الخباز]

كربله بحسين ايه
وتاج يزهي اعله البرايه
جنه بمر الباري صارت عاصمه اللكل الرعايه.
اختار رب الكون صفوه الها تخدم للمنايه.
يشهد التاريخ الهاماتثنيها الرزايه.
تبقه ولد حسين شمعه تضوي بدروب الهدايه.
هذا مبدءها وهدفهامو لجل دنيه ودعايه.
خدمة حسين وعترته عدها واجب مو هوايه.
ولو يوذروها اعله حبه ماتعوفه للنهايه.
كربله ابشرياني يجري والله حبها مو بديه.
لاتلوموني اعله حبها عندي تسوه الكون هيه.
وفي طبع الكربلاءي امن الولاده للمنيه
. من اكولن كربلاءي هاي ابد مو عنصريه.
او لاتكولن هذا شاعر كل كلامه طاءفيه.
اًنه اترجاك اسمع كبل ماتحكم عليه.
لاتضن كلمن سكنها اتكنه بشراف الرعيه.
اعقود عاش البعض بيها وماحضه ابهاي الهويه.
واليريد اليوم يعرف منهو اصحاب القضيه.
راح ابينلكم يخوتي الينتمي للغاضريه.
اليحب صادق ويخدم فاطمه وحامي الحميه.
ويخلص ابحب ابو اليمه والكمر عباس اخيه.
ومايفرًق كدر ذره بحب ضنه مهجة نبيه.
هذا حتماً كربلاءي وطينته امن الجعفريه.
حته لو بالصين ساكن ينتمي لبن الزجيه