راح ألمن تخليني

[خالد محمد مهدي الحجار]

(( راح ألمن تخليني))
********
يَيُمَّه شبيج يايمَّه // أحس بضلعج اللجمه
مالومه تودعيني
راح ألمن تخليني
************
أحس بصدري ونَّت ضلعج الملجوم
وحس روحي ذليله بحالج المالوم
دمعت عيني توصف دمعج المهظوم
أخاف أمافركج يمه يظل للدوم
بعدج سوده أيامي// أفارك فرحة أحلامي
لا لا لاتفزعيني
راح ألمن تخليني
************
بسمارج مردني أتبسمر بصدري
حبيبت روحي راح أحتارن بأمري
يبعد الروح يحنَينَه بجه صبري
حالج شاغله البالي وشده فكري
انشّف دمعت عيوني// وظل بلوعة ظنوني
شيبقه يابعد عيني
راح ألمن تخليني
************
أبونه بعد حالج صار ياحاله
أعاين دمعته من أوكَف كَباله
دمعتي ودمعت الحسنين همَّاله
هذا الدار بعدج ياهو يبرالـــه
جرح وآلآم بسمار // ومصيبة عتبة الدار
يروحي وياج أخذيني
راح ألمن تخليني
************
ياستر الزمان البيهه أتستّر
بدنيه الظيم وحدي بلاج ماأكَدر
لو دهري أعله موتج حتَّم وقرر
أموت وياج بعدج شنهو يدبَّر
يومي أنتظر صبحه // يبوك البسمه والفرحه
أيامي شتراويني
راح ألمن تخليني
************
سود أيايمي شحجي وياهه لو مرَّن
وجروح الليالي يورمن يدَّن
أيامي بمصايبهن عَلَيّ ودَّن
عله راسي ييمه راح يلتمّن
شمس تغيب عن يومي // أبات أصحه عله همومي
جرح جرحي يداويني
راح ألمن تخليني
************

[الأزري]

موفقين وبارك الله بجهودكم الطيبة

[خالد محمد مهدي الحجار]

مروركم يشرّفني ويسعدني دائما بفيضكم المبارك
ودعواتكم الصادقه عسا ان يكون لكم كفلا منها
بحق محمد وءآل محمد
شكرا // ممنون