(ظلم آل أميّه))
******************
لارحمه وحميّه ** اولادك أميّه
دمع العين سݘّابــــه
گلب من يفگد احبابه
******************
ضنوني أتمرعالمخيــــــــم **تعاين دمعه محتــــــــاره
هاجر الگلب صــــــــــدره **گصد للطف علـه أخباره
الضميــــر المات من يحييه**ألنه نكشفت اســــــــراره
تعالوا صاحت الدمعـــــــات**وضع ماأله كـل ݘــــاره
وصرخه يشيب منها الراس**وجثث عالثره طشّــــاره
خيم أهنانـــــــــــه محروگه**خلصوا الطفل من نـــاره
يعاني الجرح وصوابه
كل من يفگد أحبابـــــه
يتمنّه المنيه
****************
حلم ماشافته لعيـــــون**حلم عاشـگ ضميره حن
دمعه أتسيــــل آه و آه**اللّب گلوبنــــــــــــه جوَّن
فرش ستره عليها لليل** والنجمات مايضـــــــوَن
وگلّب صفحه أقراهــا**وگل لعيوني يلَّه أبݘـــــن
أقره هنا جسد مذبوح**وعرف بيش ضحّــه أومن
وسطر كاتب ثلث ايام**مايگربه حتّه الظَّـــــــــن
ضلوع أمكسّره بصدره
تغسله أتݘفنّه الغبـــــره
ماشارب أميّه
**************
وشوف النار من بعيد ** وحس بروحي وصلتني
وعاين حرّه متعوبـــه **يگلي گلبي حاجتنــــــــي
أمد أيدي أطفّي النـــار**هاي الحرمه عرفتنـــــي
سؤال أبالي يابالــــــي **أگدر اذا نخّتنـــــــــــــي
ألا من ناصر أسمعهــا** لمخيمها أخذتنـــــــــــي
صار الخوف سݘّينـــه** حته بحلمي ذبحتنــــــي
صبرها شلون اگدرله
عجائب سبعه مو مثلــه
ياصبر الزݘيه
*************
الحسره تنشد اللوعـــــه**والون يسأل نحيبــــــه
وجفن يعتب عله الدمعه**وجرح مايقبل الطيبــه
شلون نعوفها بحيــــــره**عيب بحقنه هل الغيبه
ناداهم ضمير الحــــــال**واسوها أبهل المصيبه
يدرب السفر ساعدهــــا** سفرها عيد ترتيبـــــه
موحسبالك أتذلهـــــــــا **زينب موغريبـــــــــه
بنت حامي الحميه تروح
سبيّه والاخـــــــو مذبوح
للشامات مسبيّه
************
ياصرخة دموع العز **ياݘف الشمخ رايــــــــــه
ياصبر اليلاوي حديد **روح الحزن والغايـــــــه
رد حسين بيــݘ ردود**مو بالسيف بحݘايـــــــــه
ذلّيتي الشمت والـــلآم** الظالم نشد من هايــــــه
يعرف اسمݘ ينكـــره **اخت حامي الگصد مايه
اخت الّي أذل هامك
بموقف نغَص أيامك
فخر الفاطميه
**************
شمس كـــــل يوم تزّاور**عله الاجساد بالحومـه
تمر بهل الكهف وتـــرد ** أيّام أعله هل نومــــه
لادارت يمين ايســــــار **أمذبحّه مظلومـــــــــه
ناده الگمر شمس الكــون**انتي مثلي مهظومـــه
من شرب العذب أرواح **جثثها الماي محرومه
أضوَي ألهم سواد الليل ** هذا حسين ونجومــه
ملامحها تعذب الرورح
تغسلت بالدمه المسفوح
خانونها الوصيه ** أولادك أميّه
****************