فراك الحبايب

[خالد محمد مهدي الحجار]

(( فراك الحبايب))
************
صعب فراك الاحباب
يبقه الدمع سجَّاب
ماترجع الغيّاب // ما ترجع الغيّاب
***********
مطاعين فوك الوطيَّه
منهم ماأرجـــــي جيَّه
الله بالغاضريه// الله بالغاضريه
************
راحوا حرّاسه الخدري
ياحيره أحتاريت بأمري
مشدوه البال وفكري// مشدوه البال وفكري
*************
الحادي جفوفه أمكّطعيهه
العريس شموعه أمطفّيهه
الاكبر جثته أموذريهه// الاكبر جثته أموذريهه
**************
يادين يرضاهه هاي
ياهو يبادلني الراي
ماظل والي وحمّاي// ماظل والي وحمّاي
*************
صاحوا حان الترحال
الباري شاهد عالحال
بحبال مجتفين عيال // بحبال مجتفين عيال
*************
فوك الهزَّل ركبوني
والسوط يالمهه متوني
وحدي بغربه خلّوني // وحدي بغربه خلّوني
************
أمشي بليل الآهات
من سهام عيون الشمّات
جروح ولوعه وحسرات // جروح ولوعه وحسرات
************
المجلس وحدي طبّيت
بشموخ لاماذلّيت
عباس وينك ناديت // عباس وينك ناديت
*****************
يبقه ذكرك يحسين
خالد يانور العين
أتمنّيت وياك البين // أتمنيت وياك البين
********************
ماريد عمري بلياك
ونظر عالغبره دماك
ياريت بروحي افداك// ياريت بروحي افداك
************

[خليل علي الزبيدي]

بوركت شاعرنا الغالي ووفقكم الله لكل خير بمحمد وال محمد

[بيرق]

يبقى الدمع سجاب ...ما ترجع الغياب *** السﻻم على شهداء الغاضرية
احسنت شاعرنا المبدع خالد محمد مهدي الحجار قصيدة جميلة سلمت اناملك وبارك الله فيك

[خالد محمد مهدي الحجار]

اللهم صلي على محمد وءآل محمد
ممنون لفيضكم
يسعدني يشرفني
ممنون لدعائكم
شكرا // ممنون