ياولي عالجفّين

[خالد محمد مهدي الحجار]

(( ياويلي عالݘفين))
****************
ياويلي عالݘفين**ياويلي سهم العين
طاح الحماني ** دهري ولاني ** بضربة عامود البين
*******************
بسهم العيــن ياعباس **صوّبت عينـــي
گلبــــــي صرخ بالاه **ونوحي أونينـي
بيك أمأمله ظنونــــي ** تتعناني وتجيني
ياݘف عونه عالايـام **بعدك تبݘّينــــي
عنّي غبت هل اليوم // بحزاني اظلّن دوم
فراگك اعاني** دهري ولاني **بضربة عامود البين
******************
اخذت الجود من أيـدي**بعزمـــــــــك تعنيت
عطاشه حسين تزگيها**من المشرعه ماجيت
ادري بيك ماتنســــــه** آ ياعامــــــــود البيت
حاشاك العتب واللوم **والله وكفــــــو كفّيت
لاأعتب ولالـوم // راس بعمد مهشوم
گمر زماني **دهر ولاني **بضربة عامود البين
*****************
متعلّم علـــــه الوثبات **حيـــــدر وصف دورك
الغيره والشهامه وزود**بطفوفه يشـــــــع نورك
لاتنساها يالتاريـــــــخ **سطّر ألــــــه بسطورك
عرينك سالم بيمنـــاك **الغيره والغضب سورك
بالطف واضحه الصوره// يتمنّه البطل دوره
يمناك أماني **دهري ولاني **بضربة عامود البين
******************
أبستر ݘفّك سلم خدري **وبسدّه عيني تنـــــــــام
من عگب الحقيقه هاي **احلامي اصبحت أوهام
غايب ياگمرنه اليــــوم **من يرعاها الايتـــــــام
وتسلّطت علينه اشرار**ماراعوها للأرحـــــــام
عالمشرعه مذبوح // منّي سلبتها الروح
صك وعماني ** دهري ولاني ** بضربة العامود
****************
خيم مابقت تحمينـــه **رهبـه ومرار وخوف
وخيول العده صالت **بين الخيــــــام أطوف
يسبّونه يشتمونــــــه **طفلـــه وطفل مجتوف
لارض الشام أخذونه**وعيـون الشماته تشوف
بمجلس الشمات // الحق أله وثبات
الݘفك اتاني ** دهري ولاني ** بضربة عامود البين

****************************