إعـــــــلان

تقليص
لا يوجد إعلان حتى الآن.

قصيدة / عدنه رب الينتقم

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة / عدنه رب الينتقم

    قصيدة / عدنه رب الينتقم
    ....................................
    ............................



    يا وطن شعبه انظلم شاف اللذي شفناه
    وْ يا شعب گظّه العمر حسره وْ عذاب وْ اه

    ما اظن مثلك عراقي مْعذّب وْ مظلوم
    لا وحق رب العرش ما يصبر الهاليوم

    شفنه الوان المصايب چم بريئ المات
    سْنين عشناها وْ كوارث شفنه والاهات

    وْ كلمن اذّانه وْ ظلمنه هالك بْدنياه
    بالخزي والعار تاليته بْسقر مثواه

    وين ذاك اللي ظلمنه ترافگه اللعنات
    حكمه زال وْ مايرد عيّشنه باللوعات

    لعنة الله عْليك ظالمنه وْ عساك بْويل
    روح لا رحمه عْله روحك بالجحيم وْ حيل

    مايظل كرسي الطغات وْما يدوم الجور
    عدنه رب الينتقم من كل شقي مغرور

    كل همومه شْلون عالكرسي يظل للدوم
    ما كسر گلبه اليتيم وْ صرخت المحروم

    من رحل گلنه الفرج گرّب اجانه الخير
    صرنه مصدومين مو ذاك النريده يصير

    اصطفّت عْلينه المصايب ضاعت الاحلام
    والحزن چلچل علينه وْ كثرو الظلام

    ناس تنهب ما يهمها الصار والما صار
    وْناس كل همها المناصب لا امن واعمار

    ما يدوم الهم حكم تتداور الايام
    ربنه يفنيهم مثل طاغي العصر هدّام



    ........................................
    ........................................

    خادم اهل البيت ( ع )
    الشاعر الحسيني
    سعيد الفتلاوي الطويرجاوي


  • #2
    الملا سعيد الفتلاوي المحترم حفظك الله شاعرا حسينيا محترما لك المودة والمحبة والسلام
    https://www.facebook.com/hhhhhhh7777
    التعديل الأخير تم بواسطة علي حسين الخباز; الساعة 18-09-2014, 08:56 AM.

    تعليق


    • #3
      الله الله لروعتك شاعرنا سلم الله يدك الذهبية وطيب الله انفاسك الزكية ونسأله ان يعم على العراق بالامن والامان والاستقرار وحقن الدماء بوركت


      (لاي الامور تدفن سرا بضعه المصطفى ويعفى ثراها)

      تعليق


      • #4
        شكرا لكم وفقكم الله

        تعليق

        يعمل...
        X