غريبه بلايه والي

[خالد محمد مهدي الحجار]

(( غربيه بلايه والي))
**********
غريبه أبقه وحدي بلايه والي **بين الجثث حال الظيم حالي
**طحت بنــــــــار لمخيم وعدوان
**أخوتي أجسادها مشابگه التربان
******************


وين اهل الرحم أهـــل ألمروّه ** كل ساعه أبسهم گلبي أيتجوّه
ها ي عدانه لاغيره ولا نخوه **بلوه علـــــــه راسي أبأثر بلوّه
ياهو الأنخه بالشده وجانــــي
أخذ عزّي بيوم الطف زماني
**أيآمر عله راسي كان ماكان**
***************


عيوني ماغفت يوم أعله فرحه **ومن عيني الدمع ياݘف يمسحه
المنايه أمتانيه العاشرأوصبحه **حتّه اليرضَع أتعنّت الذّبحـــــــه
محرّم حللوا بيه الاضاحــــــي
يريت ايطول ليلي ولاصباحي
** تسد عين الشمس لمّت الغربان **
******************


عفاهــا الروح بس الهم سهمها ** شوصف ياجرح يحمل المها
عافوهه وحيده ومنهو يمهـــــا ** تولّاها الحـــزن من يوم امها
جرح الضلع نايـــــــم أبضلعها
وصار النوح والون من طبعها
** نادت والگلب من ظيمه خلصان **
****************


اهل الجنه هــــــــــــذا اليوم وفّت ** بارواح وبنين اليوم ضحّت
عله شفايف الموت البسمه رسمت** وسيوف الغدر عرسان زفّت
أصيحن وينهم اهل الحميه
هيّه كربله اشخلت عليّــــه
** انادي أوما تسمعوني يخوّان ** أخوتي اجسادها مشابگه التربان

[بيرق]

السﻻم عليك يازينب يابطلة كربﻻء
احسنت يا شاعرنا المبدع خالد محمد مهدي الحجار سلمت اناملك التي سطرت هذه اﻻبيات وصاغتها ..جزاك الله كل خير

[شغف اللقاء]

بارك الله بيك اخي الكريم

.. طيب الله مسعاكم ودمتم ذخرآ لمحمد وآل محمد ..

اللهم صل على محمد وال محمد ،،

[خالد محمد مهدي الحجار]

في غاية الامتنان
شكرا لكل فيض ودعاء كريم
شكرا // ممنون

[آهات الزهراء]

بارك الله بك على هذا الآبداع ياشاعرنا الكريم وفقك الله لمراضيه ونرجو منك المزيد من الإبداع حفظك مولاي زينب ع

[خالد محمد مهدي الحجار]

ربي يحفظكم ويرعاكم
ممنون لكل فيض عذب
شكرا جزيلا لدعاؤكم
شكرا // ممنون