تويت
مناجات العقيله لاخيها العباس
**************************
(( يمّي ݘفّـــــــــك))
*******************
خلّي يمّي ݘفّينـــــــــــك ** تمسح دمعتي التجري
وعوف الرايه والساري **يبوفاضـل الفيّ خدري
هذا آخـــــــر وداع
روح وشابك الگاع
ماترجع الاختك ** ما ترجع الاختك
*****************
روح أخذ ويّاك گلبــــي *وداعت الله أوياك ربّـــــي*تدري بيّه أشگد أحبــــك
وحّدي من ابقه بحسرتي*تلتهب جمرة مهجتــــــــي*أحس يابو الوفه بگلبـــك
أيدي بيدك أخذ ومشـــي*ماطبگ عالجفن رمشـــي*عوفني أتعب ألتعبـــــــك
بيك أدري الغيره هاجت*واعرف أبروحك اللاجت*روح خويه أرضـي ربّك
أظل الروحي اناشدها/// ليش أتأخر أومارد
كل لحظه أگولن هـــا /// ترد الخيمتي وأسعد
تايه حسابي وضاع
روح وشابك الگاع
ماترجع الاختك ** ماترجع الاختك
*******************
عمري بيدك من أسلــمـه*أمأمنّه بيك انته يمّــــــه*أبد متخون الامانــــــه
فرحتي بنظرت عيونـك*عايشه أبجنّة ظنونـــــك*الگلب يمّك مكانـــــــه
حيرتي بأمري يحــــادي*تبݘي من حرگة أفّــادي*الݘفَك احتاجت حنانـه
نطق وجداني وشعوري*عوّدي صبرݘ ضروري*اوعايني ايرفرف لوانه
شوكت أترد على گلبي/// ياسدَي وحرس لخيام
عود علينه يافرحــــــه /// لاعين وخدر ينظـــام
وأنده رد ألي بساع
روح وشابك الگاع
ماترجع الاختك ** ماترجع الاختك
**************
بيّه جرحي شال همَّك *وبالي راح أو وصل يمَّك*وراحت عيوني أويَ بالي
وصلوا الحد الشريعــة*گالوا أنرد للوديعــــــــــــه*حاله وصفوا بݘه حالـــي
جفوفه يهون عالوطيـه* بالسهم عينه رميّـــــــــــــه*بعد ابو الغيره شبقالــــــي
ناحت ظنوني واملهـــا* وتندب خيامــــي من ألها*بطيحت الرايه يغالــــــــي
عمد طاح وهوت خيمه /// ومثل العلگمي دمعي
تريد الروح يمه تروح /// تشكي أله عن وضعي
عشت بزمن خدّاع
روح وشابك الگاع
ماترجع الاختك ** ماترجع الاختك
******************
الزمن وأيامه ماحــــــن*بس مصايب عليّ يلفــن*أختلّت موازين يومـــــي
بعــــد ياصبر الاصبره *عيني يمته تشوف فجره*ينوح نوحي عله همومي
حيلــــــي بيّه يعت كوّه *يريدنــــــــي أگصد الخوّه*بالعجل ياحرّه گومـــــي
روحي شوفي عمد راسه*شلون بي ماتت انفاســــه*ونظري حاله لاتلومـــي
الدمع وحسرتي والون/// من أرض الوعد طبّينه
حياة الروح ناذرهـــــا/// يضحّي بيها لحسينــــه
خيرمن أشتره وباع
روح وشابك الگاع
ماترجع الاختك ** ماترجع الاختك
******************
يساره خيمه ويمنه رايـه *والنهر جوده ومايه *وشاهده غيره وحميـــــه
اطه گلبه النبع صافـــــي*أخو ويانعم الموافـي*لجل روح بن الزجيـــــه
وحشه بعده دروب ظلمه*يلّي درس العز تفهمه*شيعتي اسمي السبيّــــــه
ووگف بصيوان ظـــالم *آني بت خدر الفواطم*رحت لارض الذل هديّه
يگلّي الله اشعمل بيكم /// أردّن شفنه خير ونــور
وسفه اوگف گبـــالك /// طليق انته وتظل مغرور
وينه اليرد الصاع
روح وشابك الگاع
ماترجع الاختك ** ماترجع الاختك
*********
تعليق