تويت
سبايكر
صوت يطلع بين طيَّات الزمن لاكن مخيف
سبايكر
لون أسود صبغ آمال الشباب
وكحَّل عيون البغايا
وغيَّر الفرحة خريف
سبايكر
ياحقد تكريت الدفين
ونفس عاهر مو شريف
تطلب بثارات طاغوت العصر
نسل الرصيف
سبايكر
سبايكر
ترنيمة الموت عله ﮔيتار الرفاق
الوﮔـِّعت ذلة نفسهم ﮔطرة الغيرة
ولاعرﮔت ﮔصصهم
رضعو بثدي بن ميشيل
اللي فجر كل نزيف
سبايكر
سبايكر كشفت حقائق
الذئاب تضل ذئاب
تحوم يم تربة حرمنه
والذئاب تضل ذئاب التشتهي بكل ليلة
تمضخ من لحمنه
سبايكر ماصحَّت بطون الحرام ؟
سبايكر من ذبحوا أسراب الحمام ؟
سبايكر ماهز ضمير الكون لو للموت نام ؟
سبايكر
سبايكر يمته القيامه ؟
نعرف الخان الشعب
وترِّس الجيب بظلامه ؟
ورضه بيوم سبايكر؟
لو زلمنه تنتظر (عبد السطيع )
يعوف دينه وبالعرب يعلن اسلامه
لو بمجلسنه الموقر داعشي ينسف حزامه ؟
سبايكر
صفين أخرى وأحد أخرى وكربلاء
سبايكر
كابوس ماصحه الضماير
سبايكر
والسيف حاضر
شتنتظر ياشعب
هم تصحه على تلعفر ببغداد
لو تسمع بغير سبايكر
سبايكر يسبايكر
تعليق